Soorte resepte:

[Resep] Kerrie-en-soetrissie-roomsop

Kerrie-en-soetrissie-roomsop. Foto: Lekker en Vinnig

Die winter kan maar kom, ons is reg vir die koue met dié heerlike sop.

Lewer 6 porsies

Bestanddele:

  • 1 ui, gekap
  • 2,5 ml droë soet basilie
  • klontjie botter
  • 2 rooi soetrissies, ontpit en gekap
  • 10 ml matige kerriepoeier
  • 30 ml bruinsuiker
  • knippie sout en varsgemaalde swartpeper
  • 500 ml melk
  • 500 ml water
  • 375 ml dikroom
  • 30 ml mielieblom
  • vars basilieblare, vir garnering

Metode:

  1. Soteer die ui en droë basilie in die botter tot die ui sag en deurskynend is.
  2. Roer die soetrissie by en soteer tot sag.
  3. Roer die kerrie, suiker, sout en peper en melk by en kook vir 5 minute. Giet in ʼn versapper en versap tot glad.
  4. Giet die inhoud terug in die kastrol. Voeg die water en room by en verhit weer.
  5. Maak die mielieblom met ʼn bietjie koue water aan tot ʼn pasta. Giet terug by die sop en kook oor lae hitte tot die sop begin verdik.
  6. Garneer met vars basilieblare en swartpeper en sit warm voor.

Bron: Lekker & Vinnig
Uitgewer: Lapa
Resep oorspronklik gepubliseer in Vrouekeur 1, Marlo Carstens

Net soos ʼn pannekoek met die beste resep nog steeds kan flop, kan Maroela nie pa (of ma!) staan vir enige van die resepte wat jy self by die huis probeer nie. Elke koppie meel, bakpoeier, melk, eier of enige ander bestanddeel is dus in jou eie hande en Maroela Media kan nie enige verantwoordelikheid aanvaar vir komplimente (of klagtes) oor jou kookvernuf nie. -Red

Deel van: Vegetariese geregte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Lekker ·

Ekonomiese vinnige sop en puik vir gewig verlies beheptes.?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.