Kallis kry 100-tal in laaste toets

Jacques Kallis

Jacques Kallis

Die veelsydige Suid-Afrikaanse krieketspeler, Jacques Kallis, het in sy laaste toets ‘n 100-tal, die 45ste van sy loopbaan, aangeteken. Hy het uiteindelik 115 lopies behaal.

Kallis het in die proses ook die kolwer geword wat die derde meeste toetslopies ooit, 13 174 aangeteken het. Slegs die legendariese Sachin Tendulkar van Indië, wat vroeër vanjaar uitgetree het, en die Australiër, Ricky Ponting, het meer toetslopies as Kallis aangeteken. Sy kolfgemiddeld is net meer as 55 per beurt.

In sy eersterangse wedstryde het hy reeds bykans 20 000 lopies aangeteken.

Kallis speel nou in sy 165ste toets, en het tydens die toets ook reeds sy 200ste vangkans in ‘n toets benut. Hy is bekend vir sy veilige hande in die glippe, maar ook elders op die veld waar hy ingespan word. Met sy mediumsnel aflewerings het hy ook reeds 292 toetspaaltjies platgetrek.

Dié kolfbeurt was heel waarskynlik sy laaste toetsbeurt, omdat dit onwaarskynlik lyk dat die toets, wat nou in sy voorlaaste dag verkeer, nog ‘n geleentheid sal bied vir die ou grote om weer te kom kolf.

Hy het in 1995 as twintigjarige sy toetsbuiging op dieselfde veld, Kingsmead in Durban, gemaak.

Lees ook:
Jacques Kallis kondig uittrede aan

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

2 Kommentare

Peter Says ·

Jacques jou YSTER, jammer dat die jare aanstap, dit is beslis n enorme verlies vir SA krieket met die aankondeging van jou uittrede, net die beste word jou toegewens vir die toekoms.

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.