Mat Fraser vier sy oorwinning in ’n item. Foto: Facebook.
Wanneer jy in ’n dobbelplek is en jy hoor die name “Mat Fraser” en “Tia-Clair Toomey” kan jy gerus geld op hulle wed. Want as dit by CrossFit kom, is dié twee so te sê onstuitbaar.
Die twee – wat vir die afgelope ruk onoorwonne in die CrossFit Spele is – het pas die Rogue Uitnodigingsbyeenkoms in die VSA gewen.
Fraser was so te sê ligjare voor Patrik Vellner in die tweede plek, terwyl Toomey net ’n paar punte bo Ysland se gewilde Sara Sigmundsdottir was.
In die spankompetisie het Rich Froning – wat die Spele vier keer as atleet gewen het vóór sy uittrede uit die individuele kompetisie in 2014 – sy Mayhem Freedom in die derde plek klaar gemaak. CrossFit OC3 het met die goue medalje weggestap.
In die Legendes-kategorie het die voormalige Spele-wenners, Jason Khalipa en Samantha Briggs, gewys dat hulle nog ver van koud is toe hulle met die louere weggestap het.
Die CrossFit Spele word 1-4 Augustus in die VSA aangebied. Suid-Afrika se Jason Smith en Dina Swift behoort ook daar in aksie te wees, omdat hulle die beste onder die Suid-Afrikaanse Ope-deelnemers gevaar het.
- Uitslae van die Rogue Uitnodigingsbyeenkoms:
Mans:
- Mat Fraser
- Patrick Vellner
- Cole Sager
- Streat Hoerner
- Chandler Smith
- Travis Mayer
- Scott Panchik
- Noah Olsen
- Willy Georges
- Rasmus Anderson
Vroue:
- Tia-Clair Toomey
- Sara Sigmundsdottir
- Annie Thorisdottir
- Katrin Davidsdottir
- Kristin Holte
- Kari Pearce
- Brooke Wells
- Dani Speegle
- Kristi Eramo
- Brooke Haas
Legendes (mans):
- Jason Khalipa
- Graham Holmberg
- Dan Bailey
- Tommy Hackenbruck
- Matt Chan
- Chris Spealler
- Mikko Salo
- Josh Everett
Legendes (vroue):
- Samantha Briggs
- Becca Voigt-Miller
- Annie Sakamato
- Christy Phillips-Adkins
- Kristin Clever
