Thiago Seyboth Wild, ʼn Brasiliaanse tennisspeler wat 172ste op die wêreldranglys is, het vir ʼn hengse opskudding gesorg toe hy vir Daniil Medvedev in die Franse Ope uitgeskakel het.
Die telling was 7-6, 6-7, 2-6, 6-3 en 6-4 in die Suid-Amerikaner se guns. Dit was boonop sy eerste amptelike Grand Slam-wedstryd in Parys.
“Ek het nog altyd Daniil se loopbaan gevolg en om nie net teen hom te speel nie, maar ook te klop, is ʼn droom wat waar geword het,” het die 23-jarige speler gesê.
Volgens Seyboth Wild het sy wedstrydplan ʼn voorhandhou-aanslag behels en dit het goed uitgewerk.
“In die tweede stel het ek met krampe gesukkel, maar ek wou so graag my beste tennis teen hom gespeel het. Ek is baie trots op my vertoning.”
This one was Wild ????
Catch all the highlights from qualifier Thiago Seyboth Wild's stunning upset of No.2 seed Daniil Medvedev.#RolandGarros pic.twitter.com/oSUBGMy6o6
— Roland-Garros (@rolandgarros) May 30, 2023
Dan het Lloyd Harris in drie stelle (7-6, 7-6 en 6-1) die onderspit teen Duitsland se Alexander Zverev gedelf.
Die 26-jarige Suid-Afrikaner, wat met ʼn kuitbesering gesukkel het, het in die tweede stel ʼn voorsprong van 5-4 geniet, maar hy kon nie die wa deur die drif trek nie.
Uitslae:
Bianca Andreescu klop Victoria Azarenka met 2-6, 6-3 en 6-4
Iga Swiatek klop Cristina Bucsa met 6-4 en 6-0
Elena Rybakina klop Brenda Fruhvirtova met 6-4 en 6-2
Lesia Tsurenko klop Barbora Krejcikova met 6-2 en 6-4
Coco Gauff klop Rebeka Masarova met 3-6, 6-1 en 6-2
Ons Jabeur klop Lucia Bronzetti met 6-4 en 6-1
Gael Monfils klop Sebastian Baez met 3-6, 6-3, 7-5, 1-6 en 7-5
Grigor Dimitrov klop Timofey Skatov met 6-0, 6-3 en 6-2
Taylor Fritz klop Michael Mmoh met 6-2, 6-1 en 6-1
Arthur Rinderknech klop Richard Gasquet met 6-4, 2-6, 6-2 en 7-6
Holger Rune klop Christopher Eubanks met 6-4, 3-6, 7-6 en 6-2
Thiago Seyboth Wild klop Daniil Medvedev met 7-6, 6-7, 2-6, 6-3 en 6-4
Alexander Zverev klop Lloyd Harris met 7-6, 7-6 en 6-1
Casper Ruud klop Elias Ymer met 6-4, 6-3 en 6-2.