SA vlag wapper by Epic

Dit was vandag tyd vir die derde skof van die Absa Cape Epic. Foto: Twitter.

Twee Suid-Afrikaners laat tans die bergfietsspeke in die vroueafdeling van die Absa Cape Epic sing.

Amy Wakefield en Candice Lill van die e-Fort.net: SeattleCoffeeCo-span is tans die algehele voorlopers nadat hulle ook die derde skof van die gewilde bergfietswedren in die Kaap gewen het.

Die twee het die afstand van 100 km tussen Hermanus en die Oak Valley-landgoed in die Grabouw-omgewing in ʼn tyd van 4:59:53 voltooi om hul algehele voorsprong tot amper tien minute te rek.

Hulle het vroeër die eerste skof gewen, terwyl hulle die tweede skof in die derde plek voltooi het.

Nicely done from Amy Wakefield and Candice Lill (https://t.co/z05rchepzI | SeattleCoffeeCo). They have cruised to victory on Stage 3 in the @CMcom_ Women's Category. A brilliant ride from the South African team. #untamed #capeepic pic.twitter.com/DXJz0O0Eaz

— capeepic (@CapeEpic) March 22, 2023

In die mansafdeling het nóg ʼn Suid-Afrikaner, Matthew Beers, amok gemaak.

Die 28-jarige fietsryer het saam met die VSA se Christopher Blevins hul tweede skof op ʼn streep gewen toe hulle net voor Georg Egger en Lukas Baum oor die eindstreep gejaag het.

Nino Schurter en Andri Frischknecht is egter die algehele voorlopers, gevolg deur Egger en Baum.

Die vierde skof van 47 km word môre by die Oak Valley-landgoed beslis.

And it worked! Beers surges ahead, Blevins goes mental and catches him. Another stage win; Toyota-Specialized-NinetyOne take Stage 3. #capeepic pic.twitter.com/KVHITclACK

— capeepic (@CapeEpic) March 22, 2023

• Skofuitslae:

Mans:

1. Matthew Beers en Christopher Blevins (Toyota-Specialized-NinetyOne): 4:07:11
2. Georg Egger en Lukas Baum (Orbea x Leatt x Speed Company): 4:07:12
3. Fabian Rabensteiner en Wout Alleman (Wilier Pirelli Factory): 4:07:13

Vroue:

1. Amy Wakefield en Candice Lill (e-Fort.net: SeattleCoffeeCo): 4:59:42
2. Sofia Gomez Villafane en Katerina Nash (NinetyOne-Songo-Specialized): 5:02:40
3. Kim le Court en Vera Looser (Efficient Infiniti Insure): 5:08:24

Mans:

1. Nino Schurter en Andri Frischknecht (Scott-Sram MTB Racing): 13:32:57
2. Georg Egger en Lukas Baum (Orbea x Leatt x Speed Company): 13:36:10
3. Fabian Rabensteiner en Wout Alleman (Wilier Pirelli Factory): 13:37:55
4. Matthew Beers en Christopher Blevins (Toyota-Specialized-NinetyOne): 13:40:38

Vroue:

1. Amy Wakefield en Candice Lill (e-Fort.net: SeattleCoffeeCo): 16:45:44
2. Sofia Gomez Villafane en Katerina Nash (NinetyOne-Songo-Specialized): 16:54:06
3. Kim le Court en Vera Looser (Efficient Infiniti Insure): 17:05:07.