Dricus du Plessis is een van die sterre by Saterdag se Versus-ekspo. Foto: Verskaf.
Dricus du Plessis maak gereed vir sy komende geveg teen André Muniz by UFC269, maar die Suid-Afrikaanse gemengde gevegskunsster gaan eers hierdie Saterdag ’n werksessie in Pretoria aanbied.
Die onoorwonne UFC-atleet sal saam met Sebastiaan Rothman en Danella Eliasov deel van die indrukwekkende seminaarspan by die Versus Fight & Fitness Expo by die Heartfelt Arena wees.
Benewens die seminaarsessies sal daar ook fiksheid- en gemengdegevegskuns-stalletjies wees, terwyl die Versus Fight Night 2 ook later vir verdere aksie met 14 gevegte sal sorg.
Vir meer inligting en om kaartjies vir die ekspo te bekom klik hier.
Du Plessis het onlangs ’n kontrak van twee jaar met Dana White se Ultimate Fighting Championship onderteken en hy wil poog om stelselmatig die ranglys na titelglorie te klim.
Die komende geveg teen die 14de gekeurde Muniz sal ongetwyfeld ’n stap in die regte rigting wees.
- Van die ander gevegte op die UFC269-program op 11 Desember is:
Charles Oliveira teen Dustin Poirier (titelgeveg)
Amanda Nunes teen Julianna Pena (titelgeveg)
Leon Edwards teen Jorge Masvidal
Kai Kara France teen Cody Garbrandt
Raulian Paiva teen Sean O’Malley
Geoff Neal teen Santiago Ponzinibbio
Pedro Munhoz teen Dominick Cruz
