Suid-Afrika se Akani Simbine het spiere by die Diamantliga-byeenkoms in China gebult. (Foto: Hector Retamal/AFP)
Akani Simbine het die afgelope naweek met sy gouemedaljevertoning by die Diamantliga-byeenkoms in China gewys dat hy op die regte tyd vlam vat; veral met die Olimpiese Spele om die draai.
Die 30-jarige Suid-Afrikaner het die 100 m-louere voor die neuse van gerekende teenstanders soos Christian Coleman en Fred Kerley weggeraap.
Simbine het met ʼn skitterende eindpoging vorendag gekom om met ʼn tyd van 10.01 s te wen, gevolg deur Coleman (10.04 s) en Kerley (10.11 s).
“Hierdie vertoning gee vir my baie selfvertroue in aanloop tot die Olimpiese Spele. Dit gee ʼn mens ongetwyfeld ʼn momentuminspuiting en ek hoop dat ek hierop kan voortbou soos wat die seisoen vorder,” het die Suid-Afrikaanse 100 m-kampioen gesê.
Akani Simbine powers his way to victory on Freedom Day ????????????
???? Stream #DiamondLeague ???? live: https://t.co/ACEUH7ehZ3 pic.twitter.com/0LjtruS5aO
— SuperSport ???? (@SuperSportTV) April 27, 2024
Volgens Simbine is dit belangrik om nie deur ʼn naeloopster soos Coleman geïntimideer te word nie.
“Wanneer jy teen iemand soos Christian Coleman hardloop, kan jy maar weet dat hy baie sterk sal begin. Jy moet dan net op jou eie lopie fokus en nie van jou plan afwyk nie.”
Simbine het ʼn paar weke gelede vir die soveelste keer sy nasionale 100 m-titel ingeoes toe hy die Suid-Afrikaanse Kampioenskap in Pietermaritzburg ook met ʼn tyd van 10.01 s gewen het.
Volgens die Suid-Afrikaanse rekordhouer – wie sal sy spoglopie van 9.84 s in Hongarye vergeet – was hy tevrede met sy lopies in KwaZulu-Natal.
“Om die titel te wen is vir my iets persoonliks – dit is immers waarom ek hier is. ʼn Mens moet vir die land en die wêreld wys dat jy steeds ʼn krag is waarmee daar rekening gehou moet word.”
- Die Olimpiese Spele word van 26 Julie tot 11 Augustus in Parys beslis.
A night of drama at #SuzhouDL ????????!
Next up in the Wanda #DiamondLeague: it's #DohaDL ???????? on May 10!
???? @matthewquine / Luke Howard
— Wanda Diamond League (@Diamond_League) April 27, 2024
Maar kan hy vir Carster wen?