Die Proteas sal nou meer as net ’n haas uit die hoed moet pluk indien hulle vir die halfeindstryd van die T20-Wêreldbeker wil kwalifiseer.
David Warner het vandag die Australiese keurders se vertroue in hom bevestig toe hy saam met Mitchell Marsh en Josh Hazlewood toegesien het dat die Aussies vir die Wes-Indiese Eilande met agt paaltjies ore aangesit het.
Warner (89 van 56 balle) het die Windies-boulers gestraf en die Australiërs het die wedstryd op ’n drafstap binne 17 boulbeurte gewen.
Aaron Finch-hulle se netto lopietempo het weer eens die hoogte ingeskiet; dit is nou +1.216 en hulle staan waarskynlik reeds met een voet in die halfeindstryd.
Intussen het Engeland die loot gewen en besluit om eerste in Sharjah teen Suid-Afrika te boul.
Volgens Cricinfo sal die Proteas – indien hulle 161 lopies in hul toegelate 20 boulbeurte aanteken – die Engelse vir 100 moet uithaal om na die halfeindstryd deur te dring.
As Temba Bavuma en Kie. maar net beter in hul eerste wedstryd teen die einste Aussies gespeel het.
Proteas: Quinton de Kock, Reeza Hendricks, Rassie van der Dussen, Temba Bavuma, Aiden Markram, David Miller, Dwaine Pretorius, Kagiso Rabada, Keshav Maharaj, Anrich Nortjé en Tabraiz Shamsi.
England have won the toss and elected to field in Sharjah ???? #T20WorldCup | #ENGvSA | https://t.co/6dJhtSmrKi pic.twitter.com/2sO3bZ65Or
— ICC (@ICC) November 6, 2021
Dalk volgende keer dan !!!