Springbok-ondersteuners kan hul vere regskud vir ʼn aksiebelaaide seisoen. Die Wêreldkampioenspan sal op sy tuisveld met Ierland, Portugal, Nieu-Seeland en Argentinië kragte meet.
Kaartjies vir die meeste van die toetse sal in Maart beskikbaar wees.
As jy graag die Bokke se vordering teen Ierland op Loftus Versfeld of Kingspark wil volg, kan jy kaartjies vanaf R350 by Ticketpro koop.
Dieselfde geld die eenmalige toets teen Portugal in Bloemfontein, terwyl kaartjiepryse vir die wedstryd teen Argentinië op die Mbombela-stadion vanaf R150 by Computicket beskikbaar is.
Kaartjiepryse vir die twee toetse teen die All Blacks is egter nog nie bevestig nie.
SA Rugby het ondersteuners gewaarsku om slegs kaartjies by amptelike verspreiders aan te koop.
???? Tickets to the #Springboks' home Tests against Ireland, Portugal and Argentina will go on sale next month – more here: https://t.co/mwj6K1YJyn ????#StrongerTogether pic.twitter.com/slDLRAIX8p
— Springboks (@Springboks) February 27, 2024
Bepalings:
6 Julie: Suid-Afrika teen Ierland op Loftus Versfeld (kaartjiepryse begin by R350 en is beskikbaar vanaf 4 Maart by Ticketpro)
13 Julie: Suid-Afrika teen Ierland op Kingspark (kaartjiepryse begin by R350 en is beskikbaar vanaf 11 Maart by Ticketpro)
20 Julie: Suid-Afrika teen Portugal op die Toyota-stadion (kaartjiepryse begin by R350 en is beskikbaar vanaf 22 Maart by Ticketpro)
31 Augustus: Suid-Afrika teen Nieu-Seeland op Ellispark (kaartjiepryse moet nog bevestig word)
7 September: Suid-Afrika teen Nieu-Seeland op die DHL-Stadion (kaartjiepryse moet nog bevestig word)
28 September: Suid-Afrika teen Argentinië op die Mbombela-stadion (kaartjiepryse begin by R150 en is beskikbaar vanaf 13 Maart by Computicket)