’n Wedstryd tussen die Springbokke en die All Blacks is altyd iets om na uit te sien. (Foto: Odd Andersen/AFP.)
Die wedywering tussen die Springbokke en die All Blacks bevat al die bestanddele van ʼn rugbywenresep.
En nou, amper 102 jaar nadat die Nieu-Seelanders die eerste wedstryd tussen dié twee lande met 13 – 5 in Dunedin gewen het, is een van wêreldrugby se heel grootste tweestryde nog so gewild soos altyd.
Die All Blacks het vandag op sosiale media bevestig dat kaartjies vir die Rugbykampioenskap-toets teen die Bokke in Auckland uitverkoop is.
???????? Thank you Auckland! Our Test v South Africa at Go Media Stadium Mt Smart is SOLD OUT!
Get your tickets for All Blacks v Australia in Dunedin ➡️https://t.co/40grT29yjX pic.twitter.com/rzgmMKT8z2
— All Blacks (@AllBlacks) June 12, 2023
Terselfdertyd word die sitplekke links en regs opgeraap vir Augustus se Wêreldbeker-voorbereidingswedstryd op Twickenham: Daar was reeds verlede week al 65 000 kaartjies verkoop.
???? Hottest ticket in town! Will you be there?
— All Blacks (@AllBlacks) June 8, 2023
Die Springbokke en die All Blacks het sedert hul eerste ontmoeting in 1921 reeds 103 keer teen mekaar gespeel.
Die All Blacks het 61 van hierdie toetse gewen, terwyl die Suid-Afrikaners 38 keer as oorwinnaars van die veld gestap het. ʼn Handjievol toetse het ook gelykop geëindig.
In Wêreldbeker-aksie het die Springbokke twee van die vyf wedstryde gewen – insluitend die geskiedkundige eindstryd op Ellispark in 1995.
- Uitslae van die Wêreldbeker-wedstryde tussen Suid-Afrika en Nieu-Seeland (Springbokke se telling eerste):
15 – 12 (1995 – eindstryd)
22 – 18 (1999 – uitspeelwedstryd om die derde plek)
9 – 29 (2003 – kwarteindstryd)
18 – 20 (2015 – halfeindstryd)
13 – 23 (2019 – groepwedstryd).
Dit laat ‘n mens half nostalgies raak oor die 103 jaar se “wedywerige verbintenis”. Die meeste van daardie wedstryde is sonder enige vergoeding vir die spelers gespeel. Dit was hoofsaaklik vir die liefde vir die spel.