Dis Jake White teen Jacques Nienaber, Elrigh Louw teen Josh van der Flier en Bok teen Ier wanneer die Bulls vanaand teen Leinster in Dublin kragte meet.
Die Pretorianers spog met twee oorwinnings teen die Ierse reuse en White het in aanloop tot die tweestryd gesê dat die kragmeting ʼn uitstekende maatstaf vir die Bulls is om te sien waar hulle lê.
“Ons het goed voorberei en al die spelers is gereed vir aksie, behalwe Sebastian (de Klerk) wat verlede week ʼn hou teen die kop gekry het,” het die Bulls se direkteur van rugby gesê.
White is egter opgewonde oor die uitdaging wat op sy span in die RDS-arena wag.
“Ek het verneem dat die kaartjies vir die wedstryd uitverkoop is en dit is goeie nuus vir die spelers, want dit beteken dat ons as ʼn span iets reg op die rugbyeld doen. Mense wil die Bulls in aksie sien.”
???? GAME DAY ????
It’s 1 v 2 on the @vodacom #URC table ????
???? Vodacom Bulls v @leinsterrugby
???? RDS Arena, Dublin
⏰ 21:35#BackTheBulls pic.twitter.com/aMMx3dYyVG— Official Blue Bulls (@BlueBullsRugby) March 29, 2024
Die Leinster-ringkoppe het ook ’n baie sterk groep gekies met ’n magdom Sesnasies-wenners in die span.
“Dit is ’n baie groot wedstryd – dit is die topspanne op die Verenigde Rugbykampioenskap-punteleer wat teen mekaar speel en Leinster se sterre sal ongetwyfeld ook op hul beste wil wees.”
Die wedstryd begin vanaand om 21:35 en die aksie word regstreeks op SuperSport uitgesaai.
???? | Over 1⃣5⃣0⃣0⃣ in tomorrow night's team including SIX players who have ???? caps or more!
2⃣7⃣4⃣ Cian Healy
2⃣0⃣4⃣ Luke McGrath
1⃣7⃣4⃣ Ross Molony
1⃣3⃣9⃣ Jack Conan
1⃣3⃣5⃣ Josh van der Flier
1⃣0⃣0⃣ Jordan Larmour #FromTheGroundUp #LEIvBUL pic.twitter.com/8XLsMZRq1K— Leinster Rugby (@leinsterrugby) March 28, 2024
- Spanne:
Bulls: Willie le Roux (heelagter), Kurt-Lee Arendse (regtervleuel), Canan Moodie (buitesenter), David Kriel (binnesenter), Devon Williams (linkervleuel), Johan Goosen (losskakel), Embrose Papier (skrumskakel), Marcell Coetzee (agtsteman), Elrigh Louw (flank), Marco van Staden (flank), Ruan Nortjé (slot), Ruan Vermaak (slot), Wilco Louw (stut), Akker van der Merwe (haker) en Gerhard Steenekamp (stut). Plaasvervangers: Johan Grobbelaar, Simphiwe Matanzima, Mornay Smith, Reinhardt Ludwig, Mpilo Gumede, Zak Burger, Chris Smith en Harold Vorster.
Leinster: Jordan Larmour (heelagter), Rob Russell (regtervleuel), Robbie Henshaw (buitesenter), Jamie Osbourne (binnesenter), James Lowe (linkervleuel), Harry Byrne (losskakel), Luke McGrath (skrumskakel), Jack Conan (agtsteman), Josh van der Flier (flank), Ryan Baird (flank), Joe McCarthy (slot), Ross Molony (slot), Michael Ala’alatoa (stut), Ronan Kelleher (haker) en Cian Healy (stut). Plaasvervangers: Dan Sheehan, Michael Milne, Tadhg Furlong, Jason Jenkins, Caelan Doris, Jamison Gibson-Park, Ross Byrne en Liam Turner.