(Foto: Phill MAGAKOE/AFP)
Siya Kolisi sowel as Ox Nche en Jaden Hendrikse sal Saterdag hul eerste toetsverskynings van die jaar vir die Springbokke maak in Saterdag se tweede Wêreldbeker-opwarmwedstryd teen Wallis in Cardiff.
Kolisi en Nche maak hul terugkeer na beserings, terwyl Hendrikse sy eerste verskyning maak nadat hy van ʼn beserings herstel en toe sy pa aan die dood afgestaan het.
Springbok-afrigter Jacques Nienaber het 11 veranderinge aan die beginspan aangebring wat Argentinië twee naweke gelede met 24 – 13 in Buenos Aires verslaan het.
Die ervare voorry van Steven Kitshoff, Frans Malherbe en Malcolm Marx maak hul terugkeer terwyl die Munster-slotduo van Jean Kleyn en RG Snyman vir die eerste keer saam in Springboktruie in die skrum sal sak. Kolisi is in ʼn lostrio saam met Pieter-Steph du Toit en Jasper Wiese.
“Ons het twee toetse oor voor ons met ons Wêreldbeker-rugbyveldtog begin en ons fokus is nou om momentum en kontinuïteit te begin bou sodat ons oor net minder as vier weke op die regte tyd vir ons openingswedstryd teen Skotland kan piek,” sê Nienaber.
“Ons het die meeste van die spelers in die uitgebreide span ’n lopie gegee in die laaste vier wedstryde en hulle is nou gehard en ons weet enigiemand in hierdie groep kan inspring en die uitdaging aandurf wanneer hulle ook al gekies word.”
Nienaber is baie opgewonde oor Kolisi en Nche se terugkeer. “Siya en Ox het baie hard gewerk aan hul rehabilitasie en dit is fantasties dat alles volgens plan uitgewerk het sodat ons hulle kon kies vir hierdie wedstryd.
“Hulle het twee wedstryde om hul wedstrydfiksheid voor die Wêreldbeker op te bou, en hoewel dit belangrik sal wees om hul las in die wedstryd te bestuur, is dit noodsaaklik dat hulle terugkeer na die veld aangesien hulle sleutelspelers in ons opset is.
“Jaden was ongelukkig om nie die laaste paar weke te speel nie, maar hy is ’n topklas-speler en hy het hard geoefen, so ons is bly dat hy uiteindelik sy kans kry hierdie naweek.”
Nienaber verwag ʼn fisieke aanslag van Wallis en sê die span moet geestelik en fisiek gereed wees vir die uitdaging. “Wallis is ’n sterk span, en net soos die Poemas hou hulle nie terug nie,” het Nienaber gesê.
Springbok-span teen Wallis in Cardiff:
15 – Willie le Roux
14 – Canan Moodie
13 – Jesse Kriel
12 – Damian de Allende
11 – Cheslin Kolbe
10 – Manie Libbok
9 – Jaden Hendrikse
8 – Jasper Wiese
7 – Pieter-Steph du Toit
6 – Siya Kolisi (kaptein)
5 – RG Snyman
4 – Jean Kleyn
3 – Frans Malherbe
2 – Malcolm Marx
1 – Steven Kitshoff
Plaasvervangers:
16 – Bongi Mbonambi
17 – Ox Nche
18 – Vincent Koch
19 – Franco Mostert
20 – Marco van Staden
21 – Duane Vermeulen
22 – Grant Williams
23 – Damian Willemse
Kolisi sal moet waak teen ‘n groot kop. Syne word swaarder en binnekort val hy daaroor.
Hierdie kan nie verder van die waarheid wees nie. Kolisi is seker een van die nederigste sportsterre wat ek ooit gesien het.
Dit is nader aan die waarheid eintlik. Met my persoonlikke ervaring kan ek se dat Mnr Kolisi is die mees aanmatigendste sportster in Suid Afrika wat ek ken. Ek kan well getuig dat Mnr Raymond Ruhle is die nederigste sport ster wat ek ken. Kan hom in die straat raakloop en hy behandel anders met respek. Ek het beide sport manne in die Kaap en Vrystaat raak geloop.
Tyd om jou blyblek te verlaat en nuwe mense te sien.
Ek stem nie saam met die woord sportster nie……
Ek stem saam.
Ja right…..
Hopelik kan Kaptein Kolisi ‘n verskil maak aan die lustelose spulletjie.
Kaptein K moet eers ‘n verskil aan homself aanbring.
Ons almal weet nie, kan jy ons inlig?
Na 50 min sal hy vanaf die rusbankie af lei terwyl die regte leiers op die veld is.
Na halftyd ly hy op die bankie.