Nóg ʼn sewestoernooi, nóg ʼn hartseerverhaal vir die Blitsbokke.
Nadat die Blitsbokke Sondagoggend die eerste keer ooit teen Spanje verloor het, word gesê dat daar bitter min spanne in Wêreldrugby se sewesreeks oorbly wat nog nie die Blitsbokke kon klop nie.
Spanje het in die Singapoer-toernooi sy sprokiesverhaal met sy eerste oorwinning oor die Blitsbokke geskryf toe hy die halfeindronde om die uitspeelplek om die negende posisie met 12 – 5 gewen het.
Nadat die uitgedunde Blitsbokke, wat net nege fikse spelers beskikbaar gehad het, Saterdag twee van hul drie groepwedstryde verloor het en nie tot die kwarteindronde kon vorder nie, het hulle vroeg Sondagoggend ʼn oorwinning van 12 – 5 oor Ierland in die kwarteindronde van die uitspeelwedstryd om die negende plek behaal.
Maar in die halfeindronde is hulle deur die Spanjaarde tot oorgawe gedwing.
Ja, daar was versagtende omstandighede met Sean Williams, Ricardo Duarttee, Tiaan Pretorius en Donovan Don op die beseringslys, maar die vaardighede van die span, soos hul hantering, swak verdediging en swak speldissipline, begin al hoe meer uitstaan.
Die Blitsbokke kon boonop slegs 55 punte in ses wedstryde aanteken, maar het 60 afgestaan.
Punte:
Spanje 12 (5): Drieë: Pol Pla, Juan Ramos. Doelskop: Ramos.
Suid-Afrika 5 (5): Drie: Siviwe Soyizwapi.
Lyk my die blitsbokke het dieselfde probleem as die blou bulle currie beker span. Verandering van afrigter en skielike reuse afdaling in prestasie……