Jaco van der Walt, die voormalige Lions- en Edinburgh-losskakel, maak sy terugkeer na Suid-Afrikaanse rugby nadat hy die afgelope jare in Skotland gespeel het.
Die Bulle het bekend gemaak dat Van der Walt voortaan Loftus Versfeld sy tuisveld sal noem. Van der Walt het vir die Leeus gespeel wat die Superrugby-eindstryd in 2016 gehaal het.
???? NEW SIGNING ALERT ????
Former Edinburgh and Emirates Lions Fly Half Jaco van der Walt has signed with the Vodacom Bulls ???? Welcome to Loftus, Jaco ???? pic.twitter.com/DCE0g3sz9m
— Official Blue Bulls (@BlueBullsRugby) June 29, 2023
Kutha Mchunu, wat voorheen vir die Cheetahs en die Haaie gespeel het, het intussen ook by die Bulle aangesluit.
???? NEW SIGNING ????
Welcome to the Vodacom Bulls Khutha Mchunu ???? The Tighthead, who previously represented the Toyota Cheetahs and Cell C Sharks, is a powerful scrummager and energetic ball carrier ???? pic.twitter.com/KCrlTGp0df
— Official Blue Bulls (@BlueBullsRugby) June 29, 2023
Die jongste toevoegings kom nadat dit ook bekend gemaak is dat Stravino Jacobs, oftewel “Rocket Man”, hom vir ʼn verdere vier seisoene tot die Bulle verbind het.
Jacobs, wat aanvanklik in 2020 by die Bulle aangesluit het, was tot Junie 2024 gekontrakteer, maar sal nou tot Junie 2027 aanbly.
Die 23-jarige Jacobs se rugbyloopbaan het op indrukwekkende wyse op Loftus begin met twee Curriebeker-trofeë in sy 35 verskynings vir die ligbloues. Hy het in Januarie ʼn ernstige enkelbesering opgedoen tydens die Verenigde Rugbykampioenskap.
Jacobs het gesê die besluit om sy kontrak te verleng was ʼn maklike een.
“Ek weet waar ons as ʼn span is en waar ons wil wees, en ek is vol vertroue dat ons dit gaan bereik omdat ons almal dieselfde begeerte en honger na sukses deel.”