Vrystaat se Curriebekerdae allig verby

Vrystaat se dae as deel van die reeks om die Curriebeker is na alle waarskynlikheid ná 121 jaar verby.

Vrydag se Pumas-sege van 42-14 (rustyd 28-7) in Bloemfontein het dit beklemtoon dat die Blikore nie mededingend aan sowel die Pro14-liga as die Curriebeker-reeks tegelyk kan deelneem nie.

Die groot sege ten spyt, is dit maar die Laevelders se tweede oorwinning in vyf wedstryde en is hulle derde laaste uit sewe spanne.

Hulle het eenvoudig die spel uit die staanspoor oorheers, en het drie keer gaan druk voor die tuisspan kon antwoord. As hulle nie hul greep in die tweede helfte verslap het nie, kon die telling veel hoër gewees het.

Vrystaat kon nie ʼn enkele wedstryd in die reeks wen nie, en is gemiddeld met 40-16 verslaan.

Dit lyk of die Eerste Liga hul voorland is.

Die Blikore het in 1897 aan hul eerste Curriebeker-toernooi deelgeneem, en was toe ook laaste.

♦ In Potchefstroom het die Luiperds hul onoorwonne rekord in die Eerste Liga behou deur Grens met 47-22 te verslaan (rustyd 21-3).

Puntemakers –

Vrystaat 14 (7) – Drieë: Rudi Paige, Jannes Snyman. Doelskoppe: Ernst Stapelberg, Reinhardt Erwee.

Pumas 42 (28) – Drieë: Ryan Nell (2), Morné Joubert, Neil Maritz, Marnus Schoeman, Simon Westraadt. Doelskoppe: Chris Smith (5), Kobus Marais.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Peet

Ek mis iets met hierdie berig. Die afgelope Saterdag het die Vrystaat teen Griekwas verloor en die Pumas het teen die Blou Bulle verloor. Maw die Vrystaat en die Pumas het nie teen mekaar gespeel nie…

Lol

Die Curriebeker met effektief ‘n Vrystaat B-span is ‘n klug.

Wim van der Berg

Baie dankie PEET en ADRIAAN vir die uitwys van die fout.
Ons het dit reeds reggestel en Saterdag met Vrydag vervang.
Wim van der Berg, Maroelamedia

Nicky

Piet,wie dink jy gaan hulle vervang?Die Luiperds?

Stefan

Die Sunwolves en Jaguares moes nooit bo die Cheetahs verkies gewees het nie. Die stand van Vrystaat rugby is geheel en al die skuld van SA Rugby wat nie hul man gestaan het teen die res van SANZAR nie. Hoe op aarde moet hulle gelyktydig aan twee kompetisies deelneem? Terloops, ek is nie n Cheetah supporter nie, maar reg is reg en verkeerd is verkeerd.