Wallis vlek óók die Bokke se leemtes oop

Die erosie wat plaasgevind het, het jare gelede al gans te veel van Springbokrugby se onoorwinlikheid weggekalwe.

Nou word dit heeltemal deur die teenstanders uitgebuit, want dit is nie meer ʼn verrassing om die Bokke te klop nie.

Wallis het Saterdagaand in Cardiff (ook) die Springbokke ook bloedneus gegee en die toetswedstryd met 20-11 gewen nadat die Rooi Drake rustyd met 14-3 voor was.

Die Springbokke se jaareindtoer het dus op ʼn laagtepunt geëindig ‒ en met ʼn wenpersentasie van slegs 50% in die seisoen se 12 wedstryde wag daar kwaai kopkrap en baie vrae op die Springbokafrigter, Rassie Erasmus.

Was dit die beste Springbokspan wat gekies is? ʼn Mens kan onomwonde sê ja, want daar is nie baie beter spelers in Suid-Afrika nie.

Is die regte taktiek teen Wallis (en wat ook teen die Franse gebruik is) gevolg?

Nee. Kom ons wees eerlik, Suid-Afrikaanse rugby het lankal nie meer taktiese losskakels soos ʼn Gerald Bosch en Naas Botha om te oorheers nie.

Die Bokke se huidige skrumskakels kan ook nie een kers vashou by iemand soos ʼn Fourie du Preez nie.

Dit laat die vraag: Waarom word daar so gespeel?

Ja, ’n mens kan verskonings soek en jy kan positief probeer bly. Maar die vraag bly of daar lig in die tonnel is, al is Wallis derde op die wêreldranglys en nou in hul laaste nege wedstryde onoorwonne?.

Die Bokke is slegs vyfde, maar jinne, om darem nou vier keer agtereenvolgens en vyf keer in die laaste ses kragmetings teen Wallis te verloor, is mos geen getuigskrif nie.

Wat óók al weke lank krap, is Erasmus-hulle se besluit om die spelers net ná rustyd te verander, soos met Malcolm Marx gedoen is.

Baie ander internasionale spanne doen dit ook, maar verbreek dit nie kontinuïteit nie? Verloor ʼn span nie daardeur te veel momentum nie?

Ook is daar die ou-ou sêding in rugby wat ʼn mens laat kopkrap. Wanneer jy (veral kort voor of net ná rustyd) kans kry om pale toe te skop, dan doen jy dit.

Het die Bokke enigsins verdien om te wen?

Nee, al het hulle meer besit gehad, verder met die bal gevorder en meer aangeë gemaak. Hulle het ook meer foute gemaak en kanse verspeel.

Wallis was slimmer, en dít maak die neerlaag so seer.

Puntemakers ‒

Wallis (14) 20: Drieë: Tomas Francis, Liam Williams. Doelskoppe: Gareth Anscombe (2). Strafdoele: Dan Biggar (2).
Suid-Afrika (3) 11: Drie: Jesse Kriel. Strafdoele: Handré Pollard, Elton Jantjies.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
H.A.

Verander die Springbok naam nou eenmaal na Dooie Hout… hie hie !

Kosie

Useless kaptein en flank. Verloor 7 en bly ‘n hero. Pos hom.

Boksemdaais

Rugby beleef soos alles in SA, die gevolge van die “brain drain” – uitmuntende spelers soek hulle heil eerder oorsee weens politieke inmenging in die sport; daarom dat Wallis ‘slimmer’ lyk. Dis glad nie meer moeilik om slimmer of sterker te wees as die Bokke nie! Miskien sal ‘n kommissie van ondersoek of beraad of werkswinkel gehou moet word – dis mos gewoonlik die antwoord op alles wat polities ineenstort in SA.

Herman Goosen

‘n Gepaste uitslag vir ‘n potensiele kampioen span wat ‘n verkeerde beleid volg. Swak besluitneming hoort gestraf te word en die meeste professionele opponente sal slim genoeg wees om dit te doen. Nog ‘n fantastiese instelling van die ou Suid Afrika wat wanbestuur is

All Black

Die Bokke kort n beter afrigtingsspan en n beter kaptein. Maar SA is mos happy met 50%.