Willie le Roux se visie op ʼn rugbyveld beteken dat hy geleenthede raaksien om drieë te druk. Nie net om ʼn individuele poging af te rond nie, maar ook om ʼn spanmaat met ʼn goedberekende aangee in ʼn gaping weg te stuur.
Nou sal die 34-jarige agterspeler op sy beste moet wees wanneer Suid-Afrika met Tonga in sy finale groepwedstryd van die Wêreldbeker-toernooi in Marseille kragte meet.
Skotland se kwarteindstryd-hoopvlammetjie brand immers nog en die Springbokke moet die komende wedstryd met ʼn bonuspunt beklink om hul pad na die uitspeelrondes ʼn definitiewe hupstoot te gee.
Maklik gaan dit beslis nie wees nie.
Die eilandmanne gaan waarskynlik met die vryheid van ʼn span speel wat niks het om te verloor nie, terwyl hul individuele sterre ook vir ʼn kopseer of twee kan sorg.
“Dit is ʼn groot week teen Tonga. Dit is uitkloprugby vir ons en dit gaan ʼn klipharde wedstryd wees – daar is ʼn paar gróót spelers wat vir hulle uitdraf,” het Le Roux gesê.
Ben Tameifuna laat byvoorbeeld die skaal op 151 kg in die voorry kreun, terwyl hulle ook met sterk agterspelers spog.
“Dit beloof om ʼn fisieke tweestryd te wees en ek dink daar gaan beslis ʼn paar seer lywe ná afloop van die kragmeting wees. Ons sal ons man op verdediging moet kan staan want hulle beskik oor spelers wat uit die bloute ʼn aanvalsgeleentheid kan skep.”
Le Roux was verlede naweek nie in die span nie – Damian Willemse het toe die no. 15-trui teen Ierland gedra – en hy is oorgehaal om ʼn verskil in die Bok-trui te maak.
“Ek wil my beste gee, die wedstryd geniet en alles in die stryd werp om die kragmeting te wen. Ons beskik oor ongelooflike diepte in die groep en jy kan dit nie bekostig om op jou louere te rus nie. Die spelers druk mekaar om beter te speel.”
Die Groep B-wedstryd tussen Suid-Afrika en Tonga is Sondag om 21:00 en die aksie word regstreeks op SuperSport uitgesaai.
Springbokke: Willie le Roux (heelagter), Grant Williams (regtervleuel), Canan Moodie (buitesenter), André Esterhuizen (binnesenter), Makazole Mapimpi (linkervleuel), Handré Pollard (losskakel), Cobus Reinach (skrumskakel), Jasper Wiese (agtsteman), Duane Vermeulen (flank), Siya Kolisi (flank en kaptein), Marvin Orie (slot), Eben Etzebeth (slot), Vincent Koch (stut), Deon Fourie (haker) en Ox Nche (stut). Plaasvervangers: Marco van Staden, Steven Kitshoff, Trevor Nyakane, Franco Mostert, Kwagga Smith, Jaden Hendrikse, Jesse Kriel en Manie Libbok.
- Groep B:
Ierland: 14 punte ná drie wedstryde
Suid-Afrika: 10 punte ná drie wedstryde
Skotland: 5 punte ná twee wedstryde
Tonga: geen punte ná twee wedstryde
Roemenië: geen punte ná twee wedstryde
Ons Bokke se span lyk heel gedug , al is daar ‘n paar sterre ook op die paviljoen wat ruskans kry.
Met Willie daar gaan daar weer n klomp aanslane en vorentoe aangees wees moenie die swak verdediging vergeet nie weet wat soek die nar daar nie
Stem 100% My geld is op Tonga as Willie mooi op sy stukke is.
Willie probeer meer Ref wees as die skeidsregter homself
Andre, as jy so goed is teen Willie le Roux, stuur asb jou CV vir Rassie. Daar is baie wat die bal misvang. Ek volg alle wedstryde en dit is allerdaags om mis te vang. Hoekom kritiseer mens so jou eie land se sportmense. Ons is veronderstel om saam te staan. As dit nie Libbok is nie is dit Willie. Gewoonlik sit die bestes op die kantlyn..
Ag nee ou tokkel jy tokkel op die verkeerde snaar man. Waar kom jy daaraan dat dat mense jou eie land MOET ondersteun? Baie van ons hou nie van die bbeee span nie. As JY die span ondersteun ondersteun jy seker ook regstellende aksie
Goeie antwoord vir Tokkel. Die helfte van SA ondersteun die All Blacks waarvan ek een is oor dieselfde redes. Tokkel praat nie namens ons nie.
Ondersteun die bokke. Al irriteer die kwota sisteem almal.
So jy het die reg om te ondersteun wie jy wil, maar as ander die Bokke ondersteun, ondersteun hul automaties die stelsel?
Ja
Nope. Nie hoe dit werk nie.
Ja maar Willie is nou al vir lank n probleem, hys die Markram van die Bokke.