Russiese ruimtetuig brand uit in atmosfeer

Die gedoemde tuig word gelanseer. Foto: Roscosmos

Die gedoemde tuig word gelanseer. Foto: Roscosmos

’n Onbemande Russiese ruimtetuig wat drie ton voorraad by die Internasionale Ruimtestasie moes aflewer, het vroeg vanoggend in die atmosfeer bo die Stille Oseaan uitgebrand.

Die tuig het reeds kort ná lansering probleme ondervind en buite beheer geraak. Dit het in ’n wentelbaan begin tuimel wat dit onherroeplik op ’n vuurdood in die atmosfeer sou lei.

Die verlies aan die tuig en sy voorraad hou egter geen gevaar vir die bemanning van die ruimtestasie in nie. Daar is voldoende voorraad aan boord.

Afgesien van Russiese tuie wat die stasie met voorraad bedien, lewer die Amerikaanse maatskappy SpaceX en die Japannese Ruimte-agentskap ook gereeld voorraad af.

Lees die volledige berig in Trouw. Lees ook ’n vorige artikel in die CSM.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Ruimte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Rocket scientist ·

Die “Rocket Science” het hier verkeerd verloop.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.