VSA kry weer raad vir ruimtesake

Kunstenaarsvoorstel van ruimterommel Grafika: isgtw.org

Die Amerikaanse president, Donald Trump, het vandeesweek ’n proklamasie onderteken ingevolge waarvan dié land se nasionale raad vir ruimtesake heringestel sal word.

Dié liggaam is oorspronklik in 1989 ingestel en hoewel dit nooit formeel ontbind is nie, het dit in 1993 opgehou om te bestaan.

Die nuwe liggaam, wat sal bestaan uit onder meer die vise-president, verskeie ministers, begrotingskenners en Nasa, moet die president oor beleid en ook langtermynplanne oor die VSA se ruimteprogram adviseer.

Die raad moet ook ʼn strategie vir ruimtebedrywighede ontwikkel. Nouer samewerking tussen die burgerlike, veiligheids- en private ruimteprogramme moet bewerkstellig word.

Lees die volledige proklamasie  hier.

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Ruimte

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

5 Kommentare

Trompet ·

Trump is n ware en sterk leier. Hy gaan nog baie vir Amerika, die Weste en die mensedom doen as hy lank genoeg nog tyd gegee gaan word.

Kom Ons Boks ·

Baie waar! Trump en die Amerikaanse publiek laat my dink aan ‘n Pa wat moet huishou met sy rebelse kinders. Soos enige Pa wil hy eenvoudig net hul veiligheid en voorspoed verseker vir hul en hul nageslagte. Later besef die rebelle (met die grysheid kom die wysheid) dat Pa eintlik reg was en dat sy liefde vir hulle nog altyd net onselfsugtig was. Teen daai tyd is Pa nie meer daar nie en rig hulle ‘n standbeeld van Pa op om hul te herinner aan die positiewe impak en opoffer wat hy as uitmuntende leier gemaak het.

PLAT ANNA ·

Die aarde is plat en NASA lieg oor ALLES! Doen jou eie navorsing

Danie ·

Plat Anna,
Ek is seker daar is iets beters om te doen as om uitlokkende, sinnelose kommentaar te lewer?

Rupert Ashford ·

So…gaan die “North American Space Agency” nou weer hulle eintlike werk doen en minder climastrology?;-)

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.