Gewilde Springbokheld word weer pa

Siya, Nicholas en Rachel Kolisi (Foto: Instagram)

Die Springbok Siya Kolisi (26) en sy vrou, Rachel (27), het weer ouers geword.

Kolisi het dié nuus op sosiale media gedeel. “Ek is dankbaar,” het die gewilde Springbokflank op Instagram geskryf.

Die egpaar se pienkvoet is die afgelope naweek gebore. Rachel het egter eers Maandag ʼn foto van hul kleinding, wie se naam nog nie bekend is nie, op sosiale media gedeel.

Kolisi het homself die laaste week of twee weens “gesinsverpligtinge” van die veld af gehou. Hy het onder meer die Springbokke se toets in Padova teen Italië die afgelope Saterdag misgeloop. Hy sal na verwagting egter dié naweek weer op die veld uitdraf.

Siya en Rachel se oudste kind, Nicholas, is vanjaar twee jaar oud. Hulle is in Augustus verlede jaar, ná ʼn verhouding van vier jaar, op die Molenvliet-wynlandgoed in Stellenbosch getroud.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.