Gaan bos by Innibos

Kurt Darren. Foto: Verskaf.

Kurt Darren. Foto: Verskaf.

Die Innibos-fees bied die beste in Afrikaanse musiek, teater, kabaret, letterkunde en die visuele kunste.

Dié fees vind jaarliks in Nelspruit plaas en sal vanjaar van 1 tot 4 Julie aangebied word. Kunstenaars soos Theuns Jordaan, Bobby van Jaarsveld, Die Heuwels Fantasties, Bok van Blerk, Kurt Darren, Laurika Rauch, Karin Zoid en Nicholis Louw sal hul verskyning op die verhoog maak.

Die Drostdy-Hoftent is nog ʼn trekpleister. Hier sal besoekers kan kennis maak met dié smaakvolle en veelsydige reeks wyne wat in ʼn gerieflike wynkroeg met volop sitplekke bedien word.

Daar is ook ’n verskeidenheid stalletjies met drinkgoed, kos en handwerk.

Die fees begin soggens om 10:00 by Hoërskool Bergvlam en hekke sal om middernag sluit.

Kaartjies is verkrygbaar van Computicket (www.online.computicket.com). Pryse wissel van R90 tot R160 per persoon en sluit toegang tot alle aanbiedinge op die feesterrein in. Pensioentrekkers kry Donderdag 2 Julie ʼn spesiale afslag van R50 per persoon. ʼn Toeslag is betaalbaar op kaartjies vir die voorste sitplekke vir die vernaamste aanbiedinge op die hoofverhoog. Daar is net ʼn beperkte getal van hierdie sitplekke beskikbaar.

Meer besonderhede is te kry by www.innibos.co.za of die feeskantoor by 013 741 5294/5.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
chris

Is dit nou die politiek-korrekte fees?Die een wat besluit dat derduisende Afrikaners nie die stem mag sing nie?Dalk moet hulle net op die program aanbring wat jy mag se sodat almal mooitjies weet.

Peet Schabort

Ek sien 3 (dalk 4) kunstenaars wat die moeite werd is.
Mense het meer tussen die ore as om te luister na “Baby-baby”.
Ook liedjies soos” Ek het jou lief, my boeliebief, my hartedief, my soetelief” is niksseggend.
Dit word net oor en oor herhaal tot vervelens toe. En o, die klanke wat ‘musiek’ genoem word.
Dan luister ek liewer na “Hasie” van Al Debbo wat immers tog ‘n storie vertel.
Hoop nou nie my liedjie se woorde hierbo word gesteel . . .

Loeis

Innibos kry R1.5 miljoen omdat hulle Steve geweier het om die stem te sing op die s.g. fees Innibos gets R1.5 million from government 10 Jun, 2015 Adele du Toit Community News, Featured News 565 By Adele du Toit “As from today this matter is behind us because there was a bad perception that was created; that this Premier is anti-Innibos.” This is according to Mpumalanga Premier DavidMabuza who was talking about the Innibos management’s keenness to host an all inclusivearts festival in Mbombela during an executive council meeting held on Tuesday, 9 June. “The provincial government wanted to be… Lees meer »

Piet de Jager

Net een vraag. Is dit die fees waar ons Afrikaners nie die stem saam met Steve mag sing nie? Ek het elke jaar getrou hierdie fees bygewoon. Dit was baie lekker. Nou kom bevark julle alles met julle politieke korrektheid! Ek glo nie julle sal my mis nie. Dis jammer dat soveel mense sonder ruggraat hulle deur borge laat boelie. Dis dalk tyd om weer ‘n bietjie karakter te ontwikkel. Moenie julle laat boelie deur die mense met die geld nie. Kunstefeeste was nog altyd bedoel om vrye uiting aan kuns te gee. As julle dit nie meer kan doen… Lees meer »

Johannes

Wat daarvan ons noem dit die ANC Inniebos fees?