Het jy al gehoor van die Opskop in Afrikaans-naweek, wat vanaf 23 – 24 Junie 2023 by ATKV-Klein-Kariba gaan plaasvind?
Kom kuier saam met ons vir ʼn naweek vol pret, musiek en opwinding! Moenie optredes deur Bobby van Jaarsveld, Irene-Louise Van Wyk, en Appel misloop nie. Wees deel van die opwindende aktiwiteite soos Kapperjolsports en Musiekfabriek.
Sowat negentig minute van Johannesburg af, net buite Bela-Bela, sprankel ATKV-Klein-Kariba in een van die Waterberge se mooiste klowe.
Hierdie pragoord bied ’n wye verskeidenheid akkommodasie met egte Bosveld-gasvryheid wat by jou behoeftes pas, soos die berghuise, houthuise, vishoekhuise asook ʼn verskeidenheid woonstelle om van te kies en keur, gewone tente vir families, hotelkamers en kampering.
ATKV-Klein-Kariba is jou alles-in-een vakansiebestemming en is die ATKV se avontuur-oord wat spog met ʼn verskeidenheid ontspanningsgeriewe, fasiliteite en aktiwiteite soos trapbootjies, perde, vierwielmotorfietse, put-put, waterglybaan, staproetes en nog vele meer.
Bespreek nou jou plek vir hierdie ongelooflike naweek en ontvang 25%-afslag op alle akkommodasie en kampering. Skakel ATKV-Klein- Kariba by 014 736 9800 of besoek die webwerf https://klein-kariba.co.za/opskop vir die volledige program.
Maak reg vir die Opskop in Afrikaans naweek by ATKV-Klein Kariba – die plek waar die pret nooit ophou nie! Ons sien jou daar!
