Suid-Afrikaners was in hul noppies om te hoor dat die wêreldberoemde komediant en akteur Kevin Hart volgende jaar ʼn Suid-Afrikaanse draai gaan maak.
Wat dit egter gaan kos om die Amerikaanse komediant in lewende lywe te sien, het ʼn bitter smaak in talle se monde gelaat.
Kevin het mense aan die gons gehad toe hy verlede week aangekondig het dat hy op 17 Februarie volgende jaar by die SunBet Arena Times Square in Menlyn, Pretoria, gaan optree.
Kaartjies vir die vertoning beloop tussen R680 en R17 820.
“Vir R17 820 beter Kevin Hart op my skoot sit en grappies vertel,” het een Twitter-gebruiker oor dié pryse gesê.
For R17820 Kevin Hart Better Sit On My Lap And Tell Me Those Jokes ???????? pic.twitter.com/tbopswPLa7
— ???????????????????????????? ❤️???? (@sir_onah) December 2, 2022
Dít is waarvoor mense opdok
- ʼn Kaartjie heel voor en ʼn BBP-pakket: R17 820
- ʼn Kevin Hart goue BBP-pakket: R12 995
- ʼn Premiumpakket: R5 050
- ʼn Amptelike platinumkaartjie: R790-R4 000
- ʼn Gangkaartjie: R740-R2 215
- Pryskategorie A: R2 155
- Pryskategorie B: R1 815
- Pryskategorie C: R1 360
- Pryskategorie D: R910
- Pryskategorie E: R680
- Rolstoelsitplek: R680
Ten spyte van talle se misnoeë oor die hoë pryse van die kaartjies, het kaartjies tot so ʼn mate uitverkoop dat daar besluit is om ʼn tweede vertoning op 18 Februarie aan te bied.
Kaartjies is hier beskikbaar.
Nee wat, dan skip ek maar daai een.
Ek sal met my eie rolstoel gaan.
Wie betaal dit om die seun te sien? Genade maar die wêreld is siek!
Mense met ernstige FOMO…
Wie is Kevin Hart?
SO snaaks is hy nie.
Om die waarheid te sê, is Amerikaanse “humor” oor die algemeen flou….
Ook waar. Amerikaanse humor flou. Afrikaanse humor kommin. Britse humor skerp. En ek hou niks van britanje nie. Die britte is nie so sleg.
Ai ou Elma. Baie mense sukkel maar om aan te beweeg van Leon Shuster se commin slapstick humor af. Maar ek is seker daar sal so 1 of 2 mense by sy show wees
Jy moet na Jeff Foxworthy luister. Hy is uitstekend
Hy kan gaan doppies blaas! Ek onderhou nie sy leefstyl nie! Hy is nie so belangrik dat n mens so baie geld vir hom moet uit haal nie en dit vir nie eers n uur se snert pratery nie!
Ek sal wag vir die fliek om uit te om…
Dis ‘n direkte gevolg van ons regering se ekonomiese beleide wat ons rand se wwarde soos ryp pere laat te laat val. Ek betaal egter nie 10 sent vir oorseese kunstenaar nie!
Die show sal seker n maand na die tyd op youtube wees. Sal dit dan kyk.
Mense wat dit vir kaartjies betaal het geld om dit te doen. Geldmors.
Nee wat dankie, hy is dit nie werd nie.
Ek het geen ooghare vir die irk nie, hy kan my R17k vooruit betaal in die hoop dat ek sy twak sal loop kyk.