Die room van die Suid-Afrikaanse teaterbedryf is Sondagaand (17 Maart) tydens die 59ste jaarlikse Fleur du Cap-toekenningsgeleentheid vereer.
Die geleentheid is by die Baxter-teater in Kaapstad aangebied.
Die Fleur du Cap-toekennings word jaarliks uitgedeel aan akteurs en produksiespanne wat in die Suid-Afrikaanse teaterbedryf werksaam is.
Daar het vanjaar tientalle mense vir pryse in aanmerking gekom, onder wie Nadia Beukes vir haar rol in The Sound of Music.
Die fel omstrede kroon van Edward II en Gaveston, ʼn drama geskryf die Belgiese dramaturg Tom Lanoye, is altesaam nege keer benoem en het met pryse in drie kategorieë weggestap.
Dié toekennings sluit in die prys vir beste regie (Marthinus Basson), beste kostuums (Marthinus Basson) en beste beligting (Nicolaas de Jongh).
Die doyenne van die teater, Sandra Prinsloo, het die prys gewen vir die beste optrede deur ʼn aktrise in ʼn hoofrol vir haar rol as Anna in Die moeder. Dié produksie, waarin Dawid Minnaar en Ludwig Binge ook te sien is, het ook die toekenning vir die beste produksie van die jaar gewen.
Die musiekspel The Sound of Music, wat die afgelope paar maande by die Kunstekaap in Kaapstad en die Teatro in Johannesburg gedraai het, het ook twee toekennings ingepalm.
Brittany Smith, wat die rol van Maria vertolk het, het die prys gewen vir beste optrede deur ʼn aktrise in ʼn hoofrol in ʼn musiekspel, terwyl William Berger, wat die rol van Max vertolk het, die toekenning vir die beste optrede deur ʼn ondersteunende akteur in dieselfde kategorie gewen het.
Hier is die volledige lys wenners van die 59ste Fleur du Cap-toekennings:
Mees belowende student
Angelique Viaan Filter – Universiteit Stellenbosch
Beste nuwe Suid-Afrikaanse teks
Tiisetso Mashifane wa Noni – Delela
Beste nuwe regisseur
Amée Lekas – African Gothic
Beste teaterproduksie vir kinders en jongmense
The King of Broken Things – Theatresmiths
Beste optrede deur ʼn ensemble
Oedipus at Colonus #aftersophocles
Beste optrede in ʼn revue, kabaret of soloproduksie
Marlo Minnaar – Die halwe huis (Bumper Jansen)
Beste optrede deur ʼn ondersteunende akteur in ʼn musiekproduksie
William Berger – The Sound of Music (Max Detweiler)
Beste optrede deur ʼn ondersteunende aktrise in ʼn musiekproduksie
Tankiso Mamabolo – Ziyana (Moeder)
Beste optrede deur ʼn akteur in ʼn hoofrol in ʼn musiekproduksie
Stuart Brown – We Will Rock You (Galileo)
Beste optrede deur ʼn aktrise in ʼn hoofrol in ʼn musiekproduksie
Brittany Smith – The Sound of Music (Maria Rainer)
Beste poppespel-ontwerp
Luyanda Nogodlwana – Maxeke: This work is not for yourselves
Beste beligting
Nicolaas de Jongh – Die fel omstrede kroon van Edward II en Gaveston
Beste stelontwerp
Joshua Lindberg – The Promise – On stage
Beste kostuums
Marthinus Basson – Die fel omstrede kroon van Edward II en Gaveston
Beste klankotwerp
Charl-Johan Lingenfelder – The Promise – On Stage
Beste optrede in ʼn opera (man)
Lukhanyo Moyake – Tosca (Mario Cavaradossi)
Beste optrede in ʼn opera (vrou)
Nobulumko Mngxekeza – Tosca (Floria Tosca)
Beste optrede deur ʼn ondersteunende akteur in ʼn teaterstuk
Mark Elderkin – A Midsommer Night’s Dream (Bottom)
Beste optrede deur ʼn ondersteunende aktrise in ʼn teaterstuk
Jennifer Steyn – The Beauty of Queen Leenane – (Mag Folan)
Beste optrede deur ʼn akteur in ʼn hoofrol in ʼn teaterstuk
Brent Palmer – King George (George Megalos)
Beste optrede deur ʼn aktrise in ʼn hoofrol in ʼn teaterstuk
Sandra Prinsloo – Die moeder (Anna)
Beste regisseur
Marthinus Basson – Die fel omstrede kroon van Edward II en Gaveston
Beste produksie
Die moeder – US Woordfees