Ná ’n spannende voorlaaste episode van kykNET se gewilde werklikheidsreeks Kokkedoortjie gaan Christi Myburgh (13) van Bloemfontein en Edwin Theron (12) van Worcester mekaar die stryd aansê vir die Kokkedoortjie-kroon.
Die laaste episode van dié reeks word Woensdagaand uitgesaai. Daarvoor moet Christi en Edwin ’n driegangspyskaart voorberei.
Die beoordelaars, Nic van Wyk en Mari-Louis Guy, sal dan oor die deelnemers se lot moet besluit.
Christi en Edwin sal ook direk ná die laaste episode met Hannes van Wyk op die Kwêla-bank gesels oor hul ervaring en deelname aan die reeks.
Kokkedoortjie is by Atlantic Studios in Milnerton, waar reekse soos Suidooster en Kwêla ook vervaardig word, verfilm. Dit word Woensdae om 20:00 op kykNET, DStv-kanaal 144, uitgesaai.
Ek sien baie uit na venaand.Hulle is albei baie goed…wee n tranedal.
Maar almal weet mos noual wie het gewen
Hulle is te oulik. En Edwin is so bekkig. Ons Worcesteriete is trots op hom.
Mooi so Edwin. Het sommer geweet jy gaan wen!!!
Die berig is so oud soos die berge, die wenner is al aangekondig……