Berei hierdie interessante versnapering voor wanneer jy begin hunker na ’n smullekker stukkie koek. Hier is die resep vir die Viëtnamese koffiekoek uit die vyfde episode van Net Koffie.
Voorbereidingstyd: 10 min
Baktyd: 45 min
Bestanddele
- 210 g koekmeel
- 105 g volgraanmeel
- 1 t bakpoeier
- 1 t koeksoda
- 3 e gemaalde koffie
- ½ t gemaalde kardemom
- ½ t sout
- 90 g witsuiker
- 210 g bruinsuiker
- 113 g ongesoute botter by kamertemperatuur
- 285 g gewone jogurt, volroom
- ½ t vanielje-ekstrak
- 2 eiers
Bolaag
- 395 g versoete kondensmelk
- 3 e sterk koffie
- 1 e ongesoute botter
- ¼ k room
Metode
- Voorverhit die oond tot 180 ˚C. Smeer en voer die bodem van ʼn 25-cm ronde koekpan uit.
- Meng die botter en suiker (wit- en bruinsuiker) vir ongeveer 3 tot 5 minute, of tot baie lig en donsig, in jou menger se bak. Voeg die eiers een op ʼn slag by, meng baie goed tussen elke byvoeging. Meng intussen die gemaalde koffie met die jogurt totdat dit ietwat opgelos is. Klits meel, bakpoeier, koeksoda, sout en gemaalde kardemom in ʼn ander bak. Hou eenkant.
- Voeg die helfte van die droë bestanddele by die botter, en meng op lae spoed. Voeg dan die helfte van die jogurt by, meng, dan die oorblywende meel en jogurt, en meng goed. Hierdie proses verseker dat die beslag nie klonte maak nie. Gooi dit in die voorbereide pan en bak dit vir ongeveer 30 tot 35 minute, of totdat ʼn tandestokkie, wat in die middel gesteek is, skoon uitkom.
- Terwyl die koek afkoel, maak die boonste laag. Meng die kondensmelk, die koffie en 1 e botter in ʼn kastrol op medium-lae hitte, hou aan om dit met ʼn houtlepel te meng totdat dit verdik en soort van afdop van onder af. Skakel dan die hitte af. Jy kan dit so laat, maar ek voeg ʼn bietjie swaar room by om dit meer los te maak – maar dit is regtig jou keuse. Gooi die mengsel bo-oor die koek en sit dit voor.
- Net Koffie word op Sondae om 17:30 op kykNET, DStv-kanaal 144, uitgesaai.