Met Maroela Media en kykNET se sepiegids kry jy weekliks ʼn voorsmakie van die gebeure in jou gunstelingsepie.
Binnelanders
Weeksdae om 19:30 op kykNET
Maandag, 3 Julie
Elise besluit om reg te maak wat in die verlede verbrou is. Die polisie kom tot ʼn skokkende gevolgtrekking, en die nadraai van ʼn trauma maak Delia onseker.
Dinsdag, 4 Julie
Liam en die manne praat troustories. Annelize vermoed Jeremy ruik ʼn storie, en Thomas voel skuldig oor Andrea. Birdy wonder oor Nicolette en Conrad, en Uys laat Annetjie sleg voel.
Woensdag, 5 Julie
Elise se soektog na slagoffers verloop nie glad nie. Andrea en Thomas begin om die realiteit in die gesig te staar, en Annelize weet nie wie sy moet glo nie.
Donderdag, 6 Julie
Jazzy kry ontstellende nuus, en die poging om Annetjie te help, is ʼn groot sukses. Naomi is vasberade om haar neus in ʼn delikate situasie te steek.
Vrydag, 7 Julie
Liam is op ʼn missie met sy ma. Annetjie wil fees vier, maar iemand vlug. Jazzy vermoed sy weet wie is skuldig, en Danny ontferm hom oor haar baba. Elise het ʼn nuwe, blink gedagte.
Suidooster
Weeksdae om 18:00 op kykNET en 18:30 op kykNET&kie
Maandag, 3 Julie
Mrs J is ontsteld toe sy uitvind dat haar familie by Orpa se diens was. Elana en haar vriendinne is vasbeslote om te bewys hulle in die buurtwag hoort, terwyl Rita in haarself begin twyfel.
Dinsdag, 4 Julie
Die buurtwag durf ʼn ongewone uitdaging aan, terwyl iemand aanhou om Rita se knoppies te druk. Siya is vasbeslote om sy gemeente te red, maar dan slaan Orpa almal se asem weg.
Woensdag, 5 Julie
Ezra moedig Rita aan om haar voet neer te sit. Dit gons in Ruiterbosch oor Orpa se wonderwerk, maar nie almal is oortuig daarvan nie.
Donderdag, 6 Julie
Daar word met Rita se kop gesmokkel en dit het erge gevolge. Dinge raak opwindend wanneer die twee plaaslike buurtwagspanne kompeteer en Aiden begin vermoed Orpa is nie wie sy voorgee nie.
Vrydag, 7 Julie
Rita probeer Tim oortuig dat Bridgette skuldig is, terwyl Aiden vir Danni op Orpa se spoor sit. Die plaaslike buurtwagkompetisie kom tot ʼn einde.
Diepe waters
Maandae tot Donderdae om 18:30 op kykNET
Maandag, 3 Julie
Anja se ondersteuningsnetwerk groei, terwyl Nina vir Karla, en Wim, onder vier oë spreek. Karla probeer iets omtrent haar situasie verander.
Dinsdag, 4 Julie
Anja sukkel om haar hartseer te verwerk. Rose ontdek iets skokkends oor haar werk. Gaan Karla kry wat sy op haar verjaarsdag wil hê?
Woensdag, 5 Julie
ʼn Onverwagse besoeker krap die meeste mense se lewens om, maar dit is hul nuus wat die uitklophou is. Karla neem ʼn baie duidelike besluit en neem aksie.
Donderdag, 6 Julie
Jacques worstel met die waarheid. Anja en Rossouw begin om vrede te vind ten spyte van hulle hartseer. Karla en Arno neem ʼn besluit.
Arendsvlei
Maandae tot Donderdae om 19:30 op kykNET&kie
Maandag, 3 Julie
Janice waarsku Rachel dat sy nie die Cupidos gaan uitoorlê nie. Ruby besluit om voor te gee dat sy en Lennie in ʼn verhouding is. Zuleika is ontsteld wanneer sy vir Ayesha en Langes saam sien.
Dinsdag, 4 Julie
Langes is ontsteld dat Ayesha hulle verhouding ʼn geheim gehou het. Anthony kry ʼn onwelkome verrassing by die verhoor. Eva probeer om die stukkies van haar lewe weer aanmekaar te sit.
Woensdag, 5 Julie
Desmond Galant is woedend wanneer Arnold hom inlig dat Rachel nie op Anthony se aandele geregtig is nie. Ruby vertel vir Yvette dat sy en Lennie in ʼn verhouding is.
Donderdag, 6 Julie
Langes weet nie wat om te doen oor die mislukte aandete met Ayesha se ouers nie. Eva probeer aangaan met haar lewe. Rachel het ʼn laaste troefkaart om te speel om die skool se aandele te kry.
Kan hulle asb vir Orpa uitskryf, want sy maak net ‘n bespoting van geloof en my warm onder die kraag.