Met Maroela Media en kykNET se sepiegids kry jy weekliks ʼn voorsmakie van die gebeure in jou gunstelingsepie.
Binnelanders
Weeksdae om 19:30 op kykNET
Maandag 15 Mei
Gaby en Louis vorm ’n verenigde front, en Steve kry ’n goeie aanbod. Annelize moet protokol verduidelik wanneer iemand sterf, en Nicolette raak desperaat. Dawid vang Liam uit.
Dinsdag 16 Mei
Dawid benader Karen oor die waarheid, Binneland beland in die media, en Liam kry ’n bevordering. Rita raak paniekbevange wanneer sy die polisie gewaar, en Dawid en Delia onthul hulle planne.
Woensdag 17 Mei
Binneland is op hol met al die polisie se vrae, en Riekie erken sy is bang vir Rita. Steve speel oop kaarte met Annelize, en Dawid roep Nicolette se hulp met Liam in.
Donderdag 18 Mei
Tracy en Gaby sit oor ’n restaurant vas, en Liam wil sy kop skoon kry. Jeremy en Steve wil die waarheid ondersoek, en Karen raak bekommerd oor Liam. Tracy is verveeld.
Vrydag 19 Mei
Gaby maak haar stem dik, die polisie kry ’n verdagte, en Naomi plaas twyfel in Louis se kop oor sy nuwe restaurant-idee. Jeremy konfronteer Annelize.
Suidooster
Weeksdae om 18:00 op kykNET en 18:30 op kykNET&kie
Maandag 15 Mei
Die Samsodiens kry nóg slegte nuus. Ty en Lee-Ann het rede om te glo dat Brendan weer besig is om sy ou streke uit te haal.
Dinsdag 16 Mei
Wade word links en regs in die versoeking gelei terwyl Bianca ’n onverwagse besoeker kry. Rhiyaaz se toekoms is in Rhafiek se hande: Wat gaan hy besluit?
Woensdag 17 Mei
Danni en Siya is besorg omdat Brendan skielik stil en eenkant is. ’n Bekende gesig dwaal by Anker in, en Rhiyaaz lig die Samsodiens oor sy planne in.
Donderdag 18 Mei
Die verhouding tussen die tweeling bereik breekpunt. Rita moet die moeilike werklikheid in die gesig staar, terwyl Bianca baie ondersteuning by haar vriende kry.
Vrydag 19 Mei
Rhiyaaz reik uit na Rhafiek, terwyl Rita sukkel om weer in Ruiterbosch aan te pas. Siya kry skokkende nuus, en Angie probeer Wade help om gewig te verloor.
Diepe waters
Maandae tot Donderdae om 18:30 op kykNET
Maandag 15 Mei
Die waarheid oor die aanval op Gys word onthul. Jacques en Meghan kan mekaar nie meer vermy nie, en Wim probeer Henry met sy romantiese uitdagings help.
Dinsdag 16 Mei
Johan moet ’n moeilike besluit neem om sy toekoms te red. Meghan wil haar verhouding na die volgende stap neem. Bybie vind uit van Gys se vrae.
Woensdag 17 Mei
Gys is op ’n missie om die waarheid uit te vind, en Bybie vang Gys uit. Meghan raak onrustig in die Swarts-huis. Lettie rig ’n spesiale versoek aan Henry.
Donderdag 18 Mei
Zelda roep vir Arno in om haar met ’n krisis te help. Henry beplan iets vir Lettie. Nina stel voor Tshepo probeer om sy uitgebreide familie op te spoor.
Arendsvlei
Maandae tot Donderdae om 19:30 op kykNET&kie
Maandag 15 Mei
Beatrice is geskok oor Rachel se nuutste plan om kostes te sny. Amanda en Simone is verras oor Judy se mening oor haar en Ivan se fliekaand. Sonia se invloed oor Daniel groei.
Dinsdag 16 Mei
Anthony en Rachel het ’n groot uitval, terwyl Rachel weer een van Beatrice se planne stuit. Daniel vind ’n nuwe plek om te bly. Adam begin persoonlike inligting met Judy deel.
Woensdag 17 Mei
Beatrice skakel in op een van die aanlyn klasse en is geskok met wat sy ondervind. Bompie vind Lennie se swakpunt. Sonia gee vir Daniel raad oor sy vriendskap met Saartjie.
Donderdag 18 Mei
Beatrice baklei terug teen Rachel. Bompie probeer in Lennie se goeie boekies kom, maar Langes vertrou hom nie. Daniel kyk met nuwe oë na sy en Saartjie se verhouding.