Met Maroela Media en kykNET se sepiegids kan jy weekliks ʼn voorsmakie kry van die gebeure in jou gunstelingsepie.
Melinda Viljoen as Tracy in ‘Binnelanders’. (Foto: Skermgreep)
Binnelanders
Weeksdae om 19:30 op kykNET
Maandag 11 Desember
Louis haal sy frustrasies op Thalia uit, en Tertius dink Nina voel bedreig. Conrad wens hy kon meer vir sy familie doen.
Dinsdag 12 Desember
Louis is oorgehaal om Henry Louw te oortuig om Binneland toe te kom. Nina besef Tracy het haar geheim aan Tertius verklap, en sy is woedend.
Woensdag 13 Desember
Tertius sê vir Delia hy het hulp nodig, en Naomi se geskenk vir haar en Louis se huweliksherdenking raak hom diep. Nina help Tracy met die Kersfees-olimpiade, Henry het ’n baie ernstige gesprek met Naomi, en Delia is bekommerd oor Liam.
Donderdag 14 Desember
Conrad oorreed ’n spesialis om kardinale inligting van ’n pasiënt se naasbestaandes te weerhou. Tracy se spanning rondom haar swangerskap raak nie minder nie, en iemand snuffel sonder toestemming in Louis en Naomi se huis rond.
Vrydag 15 Desember
Uys beraam ’n plan om Brenda te help, en Louis is bekommerd wanneer dit lyk of Naomi besig is om moed te verloor. Tracy stuur haar Kerskompetisie van stapel.
Suidooster
Weeksdae om 18:00 op kykNET en 18:30 op kykNET&kie
Maandag 11 Desember
Justin is huiwerig om vir Veroné na ‘n troue toe te vat, terwyl Rhafiek by Oos Wes inmeng en probleme veroorsaak. Daar is spanning in die Daniels-huis .
Dinsdag 12 Desember
Lee-Ann rig ’n skokkende versoek aan Ty, terwyl Justin groot skrik vir Veroné. Rhafiek probeer steeds hard om van nut te wees by Oos Wes.
Woensdag 13 Desember
Wade word gedwing om vir Angie die waarheid oor Lee-Ann en Alex te vertel. Rhafiek gaan oor Kaashifa se kop en bevestig dinge namens haar, terwyl Jabes vasbeslote is om Veroné terug te kry.
Donderdag 14 Desember
Mrs. J konfronteer haar dogter. Rhafiek is entoesiasties oor Oos Wes, maar gaan hy en Kaashifa weer koppe stamp? Justin neem ’n moeilike besluit oor sy verhouding met Veroné.
Vrydag 15 Desember
Veroné is vasgevang in haar hartseer, terwyl Rhafiek onverwags ’n aanbod kry. Die Thuli’s sukkel om vir Brendan ’n Kersgeskenk te kry, en Lee-Ann maak vrede met Angie.
Diepe waters
Maandae tot Donderdae om 18:30 op kykNET
Maandag 11 Desember
Rossouw vererg hom wanneer Gys hom beveel om Anja in toom te hou. Johan soek toenadering by sy ouers. Merwyn se probleme met Valencia ken geen einde nie.
Dinsdag 12 Desember
Johan moet ‘n besluit neem oor sy groot soektog, en Pam ontmoet vir Nelius Bester. Farooq voel skuldig omdat hy vir Anja jok, en Rossouw maak ’n ontdekking.
Woensdag 13 Desember
Rossouw verloor sy humeur met Farooq, Sanet maak amper ‘n skokkende bekentenis aan Ben, en Jacques en Johan kom tot ’n gevolgtrekking oor Theresa.
Donderdag 14 Desember
Farooq en Emily verduidelik hulle situasie aan Anja. Sanet erken belangrike inligting oor Johan se biologiese Ma aan Ben – en beland ook in ‘n passievolle oomblik.
Arendsvlei
Maandae tot Donderdae om 19:30 op kykNET&kie
Maandag 11 Desember
Langes sien hoe Bompie van Mortlocks af wegglip, en die gemeenskap is in skok ná dié voorval. Thys dink Beatrice en Kyle pas bymekaar, en Kway raai Daniel aan om aandag te skenk aan die xenofobiese-opmerkings.
Dinsdag 12 Desember
Lionel vind slegte nuus oor Janice uit, en die familie moet moeilike besluite maak, en Daniel en Kway het ’n uitval. Kyle deel bietjie meer oor sy verlede met Beatrice.
Woensdag 13 Desember
Lionel probeer Janice oortuig om huis toe te kom. Calvin druk Lee-Roy tot by sy breekpunt. Thys nooi vir Clint na Kyle se rampartytjie.
Donderdag 14 Desember
Almal is op hulle senuwees omdat Janice huis toe kom. Abigail is bekommerd wanneer sy sien hoe haar pa in duie stort oor Beatrice wat met Kyle gaan trou, en Calvin het nuus vir Lee-Roy.
