Met Maroela Media en kykNET se sepiegids kry jy weekliks ʼn voorsmakie van die gebeure in jou gunstelingsepie.
Binnelanders
Weeksdae om 19:30 op kykNET
Maandag 12 Junie
Nicolette is in die wolke ná ’n operasie, Gaby sê nee vir ’n partytjie, en Delia speel oop kaarte met Annelize. Louis deel skokkende inligting met Tertius.
Dinsdag 13 Junie
Nicolette konfronteer Conrad, Steve bied losprysgeld aan, en Tertius onttrek hom van Tracy. Andrea is bekommerd ná ʼn ontmoeting, en vir iemand is dit tyd om afskeid te neem.
Woensdag 14 Junie
’n Binneland-dokter beland in ’n ongeluk, Nicolette is agterdogtig oor Laetitia, en Conrad is geskok oor Tracy se verloofde. Karen spog met ’n nuwe voorkoms, en Steve is in die moeilikheid.
Donderdag 15 Junie
Conrad wil nie hê mense moet van sy probleem weet nie, ’n langverwagte soen vind uiteindelik plaas, en Delia raak onrustig oor Steve. Margie ontdek iets oor Nicolette.
Vrydag 16 Junie
Steve kry nuus oor Danny, Tracy vra Delia se hulp, en Annelize sien ’n intieme interaksie tussen twee dokters. Tracy verbreek die verlowing, en Steve kontak vir Delia.
Suidooster
Weeksdae om 18:00 op kykNET en 18:30 op kykNET&kie
Maandag 12 Junie
Tim is bekommerd oor Rita se kunshandelaar terwyl Siya wonder oor Orpa se invloed op sy gemeentelede. Rhafiek weier om AB se Gadat by te woon en dit het ernstige nagevolge.
Dinsdag 13 Junie
Orpa is ’n doring in Siya se vlees terwyl Nazeem se plan om wraak te neem vorder. Kaashifa smeek Rhafiek om die regte besluit te neem.
Woensdag 14 Junie
Die Samsodiens se dag is vol verrassings, terwyl Siya iets irrasioneel doen. Nazeem se plan kry momentum, terwyl Orpa haar web verder spin.
Donderdag 15 Junie
Zoe wonder of sy ’n donasie aan Orpa se bediening moet maak. Aiden is optimisties oor die toekoms terwyl Rita en Ezra nader aan mekaar beweeg.
Vrydag 16 Junie
Mymoena moet ’n moeilike besluit neem, en Nazeem skrik groot wanneer Brendan by die galery opdaag. Siya se jeugfunksie is danksy Orpa ’n groot sukses, maar dan loop dinge skeef.
Diepe waters
Maandae tot Donderdae om 18:30 op kykNET
Maandag 12 Junie
Martha en Masinya sit vas oor Tshepo, terwyl Sanet gereed is om oor die egskeiding te praat. ʼn Interaksie met Zelda laat Pam reguit na Gys toe hardloop.
Dinsdag 13 Junie
Pam is geskok oor beide Gys en Zelda se gedrag. Henry se bekommernis oor Masinya wyk nie, en Sanet wurm haar by die talentaand in.
Woensdag 14 Junie
Henry doen sy beste om nie in Tshepo se familiesake in te meng nie. Johan vis uit oor wat tussen Karla en Arno aan die gang is. Gys en Jacques het ʼn baie groot uitval.
Donderdag 15 Junie
Henry en Tshepo stry oor geld, Zelda se aanbod plaas Pam by ʼn kruispad, en Nina konfronteer Karla oor haar gevoelens vir Arno.
Arendsvlei
Maandae tot Donderdae om 19:30 op kykNET&kie
Maandag 12 Junie
Bianca gee vir die Cupidos terugvoer. Rachel wil hê Adam moet Desmond ontmoet, en Saartjie is desperaat om Sonia se ware kleure aan Daniel te wys.
Dinsdag 13 Junie
Ruby en Lennie vertel Dominee dat hulle die ouersgroep weer gaan begin. Ivan beskuldig Judy daarvan dat sy selfsugtig is en net aan haar eie behoeftes dink.
Woensdag 14 Junie
Die polisie ondervra Rachel en Desmond, maar sal dié twee enigiets verklap? Daniel en Sonia het ’n groot uitval terwyl Ruby haar duidelike gevoelens vir Lennie ontken.
Donderdag 15 Junie
Karelse deel skokkende nuus met die Cupidos, maar daar is ’n silwer randjie. Lennie en Langes vind uit dat Tanner deur die polisie gesoek word.