Met Maroela Media en kykNET se sepiegids kan jy nou weekliks ʼn voorsmakie kry van die gebeure in jou gunstelingsepie.
Binnelanders
Weekdae om 19:30 op kykNET
Maandag 31 Januarie
Die waarheid lei tot harde woorde, frustrasie en hartseer. Binneland Stereo gons oor ʼn pasiënt wat opgeneem word – veral wanneer dié na Elise uitvra.
Dinsdag 1 Februarie
ʼn Belofte van jare gelede spook by ou vriende. Yolandi spin haar web baie fyn terwyl Louis se toekomsdrome sy lewe bedreig. Karen deel haar afleidings met Uys.
Woensdag 2 Februarie
ʼn Bietjie toneelspel kan help om agter die kap van die byl te kom. ʼn Radio-onderhoud is nie die enigste gebeurtenis wat ʼn skietstilstand kelder nie.
Donderdag 3 Februarie
Elise vra liefdesraad by Annetjie, maar die wind word heeltemal uit haar seile gehaal. Louis en Naomi bereik breekpunt. Tracy se groot ontdekking lewer meer vrae antwoorde op.
Vrydag 4 Februarie
Vergeet en vergewe is nie op die spyskaart nie, terwyl Tracy baie graag weer met Bob wil kontak maak. Annetjie en Annelize het teenstrydige raad vir Elise, maar sy is verbaas oor ʼn stukkie wysheid uit ʼn onverwagse oord. Louis het rede om fees te vier, terwyl vertroosting net ʼn oproep ver is.
Suidooster
Weekdae om 18:30 op kykNET en kykNET&kie
Maandag 31 Januarie
Rhafiek neem vir Yasmeen uit terwyl Wade uiteindelik finaliteit kry. Bridgette probeer om Greg se onthulling van die waarheid te verwerk.
Dinsdag 1 Februarie
Kate spook om die waarheid van Chris af weg te hou terwyl Wade om verskoning probeer vra. Rhafiek se geheim laat hom amper in die warm water beland.
Woensdag 2 Februarie
Tim en Zoe weet nie wat om met ’n aflewering te maak nie terwyl Kate steeds angstig probeer om Chris se geld terug te wen. Yasmeen sweef op ’n wolkie.
Donderdag 3 Februarie
Kate is nog kwaad vir Chris en dit lyk of sy verjaardag niks lekker gaan wees nie. Mymoena probeer om vir Yasmeen en Rhafiek bymekaar te kry, terwyl Bridgette uit Ruiterbosch vlug.
Vrydag 04 Januarie
Rhafiek ontdek iets oor Yasmeen terwyl Tim ’n krisis by die werk het. Susan word met Justin se verlede gekonfronteer.
Getroud met rugby
Weekdae om 18:00 op kykNET
Maandag 31 Januarie
Amanda en Kristien se vendetta duur voort. Ryno is onbewus van Ashton se ander persona. Lulu vind uit wat Nesie gesien het.
Dinsdag 1 Februarie
Candice beland in die hospitaal. Simon vind uit van Lulu se drome. Ryno ontdek die waarheid oor Ashton en Asher.
Woensdag 2 Februarie
Ryno bak vir Zappa ’n poets. Liam moet moeilike nuus met Candice deel. Maryke verloor haar trouring.
Donderdag 3 Februarie
Simon ontvang skoknuus. Maryke soek nog steeds na haar ring. Nico vind uit van Lulu en Simon se drome.
Vrydag 4 Februarie
Almal is in skok oor Renate. Liam sukkel om tot Candice deur te dring. Kristien spog met haar verloofring.
Arendsvlei
Maandag tot Donderdag om 19:30 op kykNET&kie
Maandag 31 Januarie
Beatrice probeer braaf wees. Lennie is gereed vir sy volgende tog en Lionel se nuwe obsessie maak vir Janice mal.
Dinsdag 1 Februarie
Ingrid neem beheer van die ontvoering. Avukile kry ’n dosis van die waarheid van sy klasmaats en Eva voel soos ʼn las.
Woensdag 2 Februarie
Ingrid is doelgerig om Beatrice te vind. Eva maak met behulp van Langes en Debra ’n deurbraak wat tot genesing lei.
Donderdag 3 Februarie
Die Cupido’s en Clint is hard besig om Beatrice te probeer red. Beatrice moet vasstel of sy die persoon wat saam met haar aangehou word kan vertrou. Lionel kry ’n idee vir ’n nuwe loopbaan.