Dié wiskundetruuk laat almal slim voel

Argieffoto (Foto; Chuk Yong/Pixabay)

Om persentasies uit te werk, kan ʼn nagmerrie wees – veral as jy nie ʼn sakrekenaar byderhand het nie. ʼn Wiskunde-kenner en vryskutkopieskrywer het egter ʼn wenk op Twitter gedeel om ingewikkelde somme te doen.

Die “verstommende truuk” behels dat jy net die getalle omruil om dinge bietjie makliker te maak. As jy byvoorbeeld 18% van 50 moet uitwerk, dan kan jy dit bloot net omruil: 50% van 18 – die antwoord op albei is nege.

Nog ʼn voorbeeld is 4% van 25. As jy dit omruil, is dit 25% van 4 – die antwoord is telkens een.

Ben Stephens van Brighton het dié wenk op Twitter gedeel en dit is intussen wyd op sosiale media gedeel. Van sy volgelinge het gesê die wenk is “lewensveranderend” en ʼn ander wou weet waarom niemand hom dit op skool geleer het nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Rooikop

Dis nou oulik !

Koos

Daar is hordes sulke “truuks” wat nie in ons skole geleer word nie. Waarom, weet ek nie, maar dit verduidelik wel ons land se wiskunde punte. Ek leer my kinders alles wat skole nie as “standaard” aanvaar nie en hulle punte getuig daarvan!

Ag toe Maroela

Maroela, kan julle nie bietjie sulke idees en tips deel met die lesers nie? Onthou baie ouers is nie opgewasse vir hierdie wilde wiskunde wat die kinders moet doen vandag nie. Soos julle taal toffies ens – wat van lesers wat elke week ‘n tip of truuk kan instuur en julle publiseer dit onder ietsie soos Wiskunde tips? Sal so baie mense help – of dalk kinders wat hier lees…

Norls

Okay, wat is 21% van 1898 ? 1898% van 21? lol, werk net met maklike somme.

WisWas

BAAAAIE ou trick, het dit in ’91 op laerskool geleer.