Die krokodil met die buiteband om sy nek
Owerhede in Indonesië is raadop met ʼn krokodil wat al minstens drie jaar lank ʼn buiteband om sy nek het.
Die byna 4 meter lange krokodil is vir die eerste keer in 2016 opgemerk met die motorfietsband om sy nek en pogings om dit te verwyder, was tot dusver onsuksesvol. Die natuurbewaringskantoor in Sentraal-Sulawesi het in Januarie selfs ʼn kompetisie van stapel gestuur in ʼn poging om hulp van die publiek te bekom.
Die kompetisie is intussen gekanselleer omdat hulle nie hulp van die publiek kon bekom nie. Die organisasie het nie self genoeg hulpbronne gehad om telkens die wilde krokodil op te spoor nie.
Die ministerie van omgewingsake het intussen hulle hulp aangebied.
Die krokodil, een van ʼn bedreigde spesie, het al verskeie hindernisse oorkom. Hy het al tsoenami’s en aardbewings oorleef wat Palu getref het. Ondanks die rampe bly die buiteband om sy nek soos wat hy groei.
Daar is kommer dat die krokodil uiteindelik sal versmoor wanneer hy te groot raak vir die buiteband.
ʼn Natuurbewaarder, Muhammad Panji, ook bekend as Panji the Adventurer, het vroeg in 2018 tevergeefs probeer om die krokodil met hoenderstukkies na droë grond te lok, maar die reptiel het geen belangstelling getoon nie. Panji kon nie die band verwyder nie.
Lokvalle is ook al vir die krokodil gestel, maar hy het dit telkens ontduik.
Kan daar rêrig niemand op die aardbol wees wat hom kan help nie. Steve sal dit sommer tjoef tjaf gedoen het.
Jy vat die woorde uit my mond uit …. Steve Owen sou ingespring het die krokodil gestoei het tot hy moeg was en die band afgehaal het…
Hoekom moet iemand anders dit doen, hoekom gaan sort julle 2 nie die kwessie uit nie? Aanhouer wen…
Eks n eensame krokedil shame hoop iemand kan hom help
Ons kan seker een van ons parlements lede stuur. Hulle het altyd al die antwoorde.
HBK, ek dink nie jou voorstel gaan werk nie. Dis darem te veel van ‘n belediging vir die krokkie. Geen krokodil is darem so dom nie.