(Foto: Kiren Rijiju/Twitter)
ʼn Minister van Indië het ʼn foto op Twitter gedeel wat hy beskryf as “die perfekte voorbeeld van sosiale distansiëring”.
Die foto is in Arunachal Pradesh geneem en wys hoe ʼn trop apies in twee reguit rye in ʼn leë pad sit. Die apies sit almal ʼn entjie van mekaar af weg, en is ʼn toonbeeld van dit wat gesondheidsowerhede aanraai om die verspreiding van Covid-19 te voorkom.
ʼn Man deel piesangs en waatlemoenskywe uit aan die apies wat hulle so goed gedra. Sommige het reeds hul waatlemoenskywe ontvang, en die ander wag geduldig vir hul beurt.
“ʼn Perfekte voorbeeld van sosiale distansiëring naby Bhalukpong in Arunachal Pradesh,” het minister Kiren Rijiju geskryf. “As ons mooi kyk, dan kan diere ons talle noodsaaklike lesse leer wat ons dalk misgeloop het in die haas van ons daaglikse lewe.”
Die beginsel van sosiale distansiëring word grootliks wêreldwyd toegepas waar mense versoek is om tuis te bly en ʼn veilige afstand te hou in rye, by restaurante en ander openbare plekke.
A perfect #SocialDistancing seen near Bhalukpong in Arunachal Pradesh along Assam-Arunachal boundary. If we observe carefully, animals can teach us many vital lessons that we may have missed in the haste of our normal daily lives.
(Picture taken by Arup Kalita, Tezpur) pic.twitter.com/5iIr8SELUz— Kiren Rijiju (@KirenRijiju) April 28, 2020
Beslis en dit sonder maskers en dreigemente. Miskien n ruilhandel ooreenkoms aangaan.
Hhahahahah