Argieffoto (Foto: Josch13/Pixabay)
ʼn Straat in Estland sal tydelik gesluit word om duisende paddas kans te gee om veilig by hul lente-broeigebied uit te kom.
Die straat in die Haabersti-distrik in die hoofstad Tallinn word vir twee weke lank gesluit, maar het nie ʼn impak op openbare vervoer nie.
Die adjunkburgemeester van Haabersti, Oleg Siljanov, het aan Estland se openbare uitsaaier, ERR News, gesê die straat word gesluit om massaslagting van die paddas te voorkom.
“Dié gedeelte van die Astangu tänav is een van die grootste amfibiese migrasie-deurgange in Estland, en vir ʼn kort tydjie elke jaar, in die lente, steek duisende paddas dit oor,” het Siljanov gesê. “Die pad word gesluit om ʼn veilige migrasie te verseker vir die beskermde paddas van hul wintertuiste na hul broeiplek langs die Astangu-pad.”
Vrywilligers het vorige jare die paddas gehelp om te migreer, maar weens die Covid-19-pandemie is dit nie hierdie jaar moontlik nie.
Siljanov het gesê hy hoop die inwoners sal begrip hê vir die ongerief en die beperking op die pad.
WATCH: A road in Tallinn, Estonia is closed for two weeks to give frogs and toads time to move from pond to pond during the amphibians' mating season. pic.twitter.com/JKAayBUGpv
— CBS News (@CBSNews) April 15, 2021
Die padda wou gaan opsit met sy nooi in die vlei, ahaam
Al wat ek kan se is Dankie!!
Is dit nie absoluut wonderlik nie.???