Speen jou kind só van ʼn fopspeen

Argieffoto (Foto: kasiaczernik/Pixabay)

Kleuters skree soms blou moord as jy skielik ʼn fopspeen wil wegvat en as jy ʼn ouer is wat al nagte lank van slaap ontneem word, is dit soms genoeg rede om die fopspeen terug te gee.

Ouers het verskillende opinies oor die langdurige gebruik van ʼn fopspeen, maar daar word oor die algemeen aanbeveel dat jy jou baba tussen ses en twaalf maande van sy fopspeen speen. Ná ʼn jaar begin jou baba om ʼn emosionele band met sy fopspeen te vorm, en dit kan dan net moeiliker word om hom te speen. Om optimale ontwikkeling van sy tandjies te verseker, is dit die beste om, as hy ná ʼn jaar nog sy fopspeen suig, hom voor sy tweede verjaarsdag van sy fopspeen geskei te kry. Die posisie van sy tande kan beïnvloed word, wat langtermyn negatiewe gevolge kan hê. Spraak word ook geaffekteer, en jou kind staan ʼn groter kans om spraakterapie te moet kry. Selfs tien minute per dag kan ʼn negatiewe impak hê.

Dit is dus ʼn goeie idee om die gebruik vroeër eerder as later te staak.

Lifehacker het ʼn eenvoudige truuk om jou kind te speen: Prik bloot ʼn gaatjie aan die bopunt van die fopspeen. Dit sal lug vrystel en dit beduidend minder bevredigend maak om daaraan te suig.

Aangesien jou kind moontlik nie sal weet hoekom hul gunstelingtrooster nie meer dieselfde effek het nie, sal hy waarskynlik dit gou laat staan.

Gebruik ʼn naald om die gaatjie te prik. Lifehacker maan ouers om nie ʼn groter gaatjie te maak nie (jou kind sal dan dalk die “sabotasie” ontdek) en moet ook nie die bopunt van die fopspeen heeltemal afsny nie – jou kind kan dalk aan kleiner stukkies verstik as dit afbreek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Halinka

Ek glimlag want ons probeer dit noual so lank! Dogtertjie is 4 en sy weier, ons het al gaaitjies gedruk, probeer geskenkies gee vir elke aand wat sy sonder dit slaap, tot geldjies sodat sy sweeties kan koop. maar nee, dit stick nou nog! Maar, dummy gaan nie saam skool toe nie, sy spoeg dit dat dit trek sodra sy oumas en oupas sien, sodra sy slaap val dit uit haar mond en die res van die tyd vergeet sy van hom (dis ook n newborn dummy wat LANKAL al te klein is so dit maak nie skade die kort… Lees meer »

S

Ek stem heeltemal met jou saam. Sy sal dit los as sy reg is!

Foppie

Laat hulle tog maar suig totdat hulle self nie meer wil nie. Die foppie is ‘n kindjie se sekuriteit.

Wielspore

Die fopspeen veroorsaak dat die kind se tande skeef groei. Ek glo die gaatjie metode gaan werk, ons het in ons huis geleer dat gedrag ‘n naam het en daarvolgens handteer word. Ons kleinseun was onlangs by ons vir ‘n paar weke sonder sy ouers. Die mannetjie is 9 maande oud en ons het stelselmatig die fopspeen minder vir hom gegee. Toe hy terug huis toe is gaan slaap hy sonder die fopspeen. Ons het bloot vir hom gesê dit is nou slapenstyd en sy bottel vir hom gegee en dit was dit. Dit is alles met baie liefde en… Lees meer »

Jessica

Well a child would not cry day or night if you not given it in the first place, it’s a bad habbit to give it, a dummy carries the most germs ever, do yourself a favour and go and put it under a microscope and see for yourself, i brought up my own 4 kids without a dummy, it’s only a bad thing why do you want anyway a child sukking on it not good for the speech or mouth.