Die volgende gedig is gekies vir publikasie in die AVBOB Poësiebiblioteek en word heruitgegee met die toestemming van die AVBOB Poësieprojek . Om dié biblioteek van meer as 18 000 gedigte in al 11 landstale te besigtig, klik hier.
“As ek stil word” deur Emmse Burger
As ek stil word en ek luister
kan ek baie dinge hoor,
soos my God se stem wat fluister
en die sang van engelekoor.
Ek hoor duisend hallelujas
en ’n honderd keer amen,
alles klanke van die hemel
en ons God se eie stem
Ek hoor klippe wat Sy naam roep
en selfs blomme wat Hom prys,
elke wese elke asem
loof in hemelse gedruis.
- Ter wille van die konteks van hierdie gedig en ter wille van erkenning aan die bron versoek ons dat jy nie bloot net ʼn skermskoot van hierdie gedig op sosiale media sal deel nie, maar eerder die skakel van die Toetentaal-plasing sal gebruik. – Red
Pragtig!