Die volgende gedig is gekies vir publikasie in die AVBOB Poësiebiblioteek en word heruitgegee met die toestemming van die AVBOB Poësieprojek . Om dié biblioteek van meer as 18 000 gedigte in al 11 landstale te besigtig, klik hier.
“die hemel ruik na vetkoek” deur Susanne Pike
ek sien jou kneukels kunstig
knie en vou
knie en vou
meelstreep oor die wang
oë veraf vol verlang
onder ʼn groen-maroen doek
swel suurdeegboude bol
op die blinkgit AGA sis en spetter
ʼn swart platboompot
en wolke geur
kom lê die voorhuis vol
ek weet in die hemel
met jou bloublomvoorskoot aan
bak jy vetkoek, ma
onthou tog net om een
te smeer met jêm
en gee dit vir ons pa.
- Ter wille van die konteks van hierdie gedig en ter wille van erkenning aan die bron versoek ons dat jy nie bloot net ʼn skermskoot van hierdie gedig op sosiale media sal deel nie, maar eerder die skakel van die Toetentaal-plasing sal gebruik. – Red
Pragtig!
Huilmooi….
Mooi