Die volgende gedig is gekies vir publikasie in die AVBOB Poësiebiblioteek en word heruitgegee met die toestemming van die AVBOB Poësieprojek . Om dié biblioteek van meer as 18 000 gedigte in al 11 landstale te besigtig, klik hier.
“enige ondernemer wat sy sout werd is, weet” deur Louis Philip Muller
as ons huil by die graf, huil ons
oor tyd. Hoe dit is met tyd
en hoe dit is daarsonder.
dit is die graf se wonder.
dit laat ons huil want ons kan nie vergeet nie
en ons huil want ons weet ons kan niks onthou
van die grond wat ons bind en ontbind nie
net die warm asem tussentyds
die gedeponeerde snik.
- Ter wille van die konteks van hierdie gedig en ter wille van erkenning aan die bron versoek ons dat jy nie bloot net ʼn skermskoot van hierdie gedig op sosiale media sal deel nie, maar eerder die skakel van die Toetentaal-plasing sal gebruik. – Red