Argieffoto (Foto: Guang Yang/Unsplash)
Die volgende gedig is gekies vir publikasie in die AVBOB Poësiebiblioteek en word heruitgegee met die toestemming van die AVBOB Poësieprojek . Om dié biblioteek van meer as 18 000 gedigte in al 11 landstale te besigtig, klik hier.
“Oggendlied” deur Alwyn Roux
Na Louise Glück
Van pyn is altyd iets te maak.
Ma verswyg die feit,
maar Sondae klink die orrelspel
in elke register uit – Bach Händel Mendelssohn,
terwyl sy haar sorge aan Hom toevertrou.
Met ʼn oop gemoed
in dié gewyde uur
haar kennis en beperkings aan Sy voete lê.
Geen wonder ek is aangewese op stilte nie
in wêrelde verdiep
asof luisterend na ʼn afgeslote lied.
- Ter wille van die konteks van hierdie gedig en ter wille van erkenning aan die bron versoek ons dat jy nie bloot net ʼn skermskoot van hierdie gedig op sosiale media sal deel nie, maar eerder die skakel van die Toetentaal-plasing sal gebruik. – Red
