Argieffoto. (Foto: Ben White/Unsplash)
Uitdrukking:
In die tredmeule loop
Betekenis:
Sieldodende werk verrig
Waar kom dit vandaan?
ʼn Tredmeule is ʼn meule wat deur ʼn mens of dier aangedryf word. Dit bestaan uit ʼn groot rat waaraan daar ʼn plank vasgemaak is wat dan deur die mens of dier al in die rondte gestoot moet word. Dit is ook as ʼn straftoestel gebruik: As die veroordeelde nie loop nie, kon die momentum die plank aandryf wat hom teen die kop kon tref.
Bron: Spreekwoorde en waar hulle vandaan kom
- Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red
