Woord: paddaslagter

Argieffoto

Woord:
paddaslagter

Betekenis:
Stomp, ondoeltreffende mes.

Waar kom dit vandaan?
Samestellende afleiding met –er van “padda” en “slag”. Waarskynlik só genoem omdat die mes so stomp is dat dit nie eens ‘n padda kan afslag nie of die mes slegs geskik is om ‘n padda mee af te slag aangesien ‘n padda sag is. Dit is moontlik dat die Maleise parang, wat “groot kapmes” beteken, en slagter deur volksetimologie paddaslagter geword het. Eerste optekening in Afrikaans by Mansvelt (1884).

Uitdrukking:
Met daardie ou paddaslagter sal jy nie iets regkry nie.
– Met die stomp mes sal jy dit nie regkry nie.