Woord:
verknorsing
Betekenis:
Moeilike/onhanteerbare toestand waarin iemand verkeer/beland; moeilikheid; knyp; pekel; penarie; dilemma: Hy het al sy geld uitrinkink; nou sit hy in die verknorsing. • ʼn finansiële verknorsing • Hoe gaan ons uit die verknorsing kom? Help ons tog uit die verknorsing.
Waar kom dit vandaan?
Mntl. uit Ndl., gewestelik in Groningen, N.Holland, Zeeland en Limburg in die vorm verknoezen (1687) ‘ly, verdra, bederf’ of uit gewestelike Ndl. verknoersen (1900) ‘verdra, bederf’. Eerste optekening in Afr. by Changuion (1844).
Bronne: Handwoordeboek van die Afrikaanse Taal (HAT), Etimologiewoordeboek van Afrikaans (EWA)
- Ter wille van die konteks van hierdie taaltoffie en ter wille van erkenning aan die bron versoek ons dat jy nie bloot net ʼn skermskoot van hierdie taaltoffie op sosiale media sal deel nie, maar eerder die skakel van die Toetentaal-plasing sal gebruik. – Red
Suid Afrika is in ‘n verknorsing!!