Woord:
wisselruitery
Betekenis:
Bedrieglike werkswyse om met tjeks en geldwissels tydelik kapitaal te kry deur onder meer met ’n vooruitgedateerde wissel as waarborg geld te leen en telkens ’n ander vooruitgedateerde een in sy plek aan te bied.
Waar kom dit vandaan?
Uit Nederlands wisselruiterij (1824), ʼn samestellende afleiding met -ij van wissel (‘wissel’) en ruiter (‘straatrower, swendelaar’). Só genoem omdat die wissels deur swendelaars gebruik is, en omdat die wissels ook as postruiters (‘posryers, posbodes te perd of met koets’) bekend gestaan het. Dié benaming het deur metonimia ontwikkel omdat die watermerk in die papier waarop wissels getrek is, ‘n posryer of posbode uitgebeeld het.
Nou is ek geskok oor Ruiter in Swart uit my jong dae