Arno Duvenhage skryf:
(Foto: EFF/Twitter)
Suid-Afrika staar te veel probleme in die gesig vir ons om toe te laat dat politici ons aandag met verdeeldheid aftrek.
Die openbare gesprek is veronderstel om te gaan oor die identifisering van die probleme waarmee ons as ʼn samelewing te kampe het, en die voorstel van oplossings.
Terwyl Malema en Eskom die meeste van die media se aandag trek, is dit nie naastenby die enigste probleme in Suid-Afrika nie. ʼn Paradigma van kulturele gelykheid kan ons in die langtermyn help om die probleme wat Suid-Afrika in die gesig staar (in die hede en verlede) op te los.
Kulturele gelykheid is die beginsel waar geen kultuur in ʼn multikulturele samelewing bo ʼn ander geplaas word nie. Dit impliseer dat elke kultuur dieselfde basiese kulturele infrastruktuur het om as platform vir opheffing op te tree.
Ek sien Suid-Afrika se mislukkings as ʼn kwessie van swak fondamente, en vanuit hierdie perspektief is die gebrek aan kulturele infrastruktuur ʼn groot probleem. Ek glo dat ʼn groot hoeveelheid van Suid-Afrika se probleme opgelos kan word deur die nasie se fondamente te versterk – soos om ʼn taaleie universiteit vir elke taalgroep te skep.
Die Suid-Afrikaanse psige het nog nie die verlede laat gaan nie, en ons politieke elite gebruik steeds die ongeregtighede van die verlede as ʼn wapen. Terwyl ʼn paradigma van kulturele gelykheid nie die verlede ongedaan kan maak nie, sal die waardering van elkeen van ons kulture met die basiese infrastruktuur van ʼn moderne kultuur baie doen om diegene wat die meeste benadeel was, op te hef.
Suid-Afrika het 11 amptelike tale en net agt openbare universiteite. Om byvoorbeeld ʼn Universiteit Stellenbosch vir elke taal te skep, sal die aantal universiteite in Suid-Afrika meer as verdubbel. Die bou en instandhouding van 11 nuwe universiteite sal duisende werksgeleenthede skep op die kort- en langtermyn. Dit sal nie net ʼn geweldige impak op onderwysgeleenthede hê nie, maar om meer gegradueerdes te hê, moet lei tot meer entrepreneurs met seldsame vaardighede.
Suid-Afrika ly ook aan lusteloosheid en hopeloosheid, maar ʼn nuwe paradigma van kulturele gelykheid kan ons iets gee om oor opgewonde te wees. Haat is nie ʼn oplossing nie. Die meerderheid nuwe instellings sal vir voorheenbenadeelde gemeenskappe wees. Ons leef ook in ʼn era waar kunsmatige intelligensie (KI) taalhindernisse verwyder het, en hierdie nuwe universiteite behoort KI-studies aan hul kern te hê. Daarom sal ʼn universiteit vir elke taalgemeenskap ʼn breë uitwerking op die toekoms van Suid-Afrika hê.
Ek weet dit geld tans nie vir ʼn deel van enige politieke party se handelsmerk nie, maar ek vra die opposisiekoalisie dit: wil julle voortgaan om vis na Suid-Afrika se armes te gooi, of is julle bereid om ʼn nuwe paradigma te oorweeg waar burgers vir hulself kan visvang?
Terwyl politici probeer om ons volgens ras te verdeel, waarom kan ons nie, as ʼn multikulturele samelewing, eerder agter kultuur verenig nie?
Goeie kreatiewe gedagte. Dankie.
Bemagtig burgers om self te hengel. MAAR, leer hulle om die damme te vergroot sodat hulle baie vis kan hengel om EKONOMIES WĚRELDKOMPETEREND winsgewend uit te voer om buitelandse valuta te verdien. Dit is die enigste manier om ‘n rooskeleurige toekoms vir die nageslag te help verseker.
‘n Groot waarheid! Ongelukkig het die politieke leierskap geen visie om die menslike kapitaal te ontwikkel en te lei tot ‘n produktiewe en selfversorgende lewenswyse nie.
As die ander kultuurgemeenskappe regtig taaleie Universititeite of ander naskoolse opleiding instansies wou skep kon hulle dit baie maklik in die afgelope 30jaar gedoen het.
Hulle het dit egter nie gedoen nie, waarom sal ek nie weet nie.
Miskien gee hulle net nie soveel om vir taaleie instansies soos Afrikaners nie?
Miskien heg hulle nie soveel waarde aan moedertaalonderig soos Afrikaners nie?
Die probleem wat nou onstaan is dat die ander kultuurgemeenskappe nou hulle kinders na “ons” taaleie instansies stuur en dit dan wil verander omdat dit nie ooreenstem met hulle taal en kultuur nie.
Die meerderheid mense wil net ‘n beter lewe hê vir hulle en hul gesinne ,die maaifoedies wat so geweld en haat aanblaas doen dit vir eie gewin punt
Afrika is eenvoudig te lui om vir elke taal groep sy eie universiteit te skep.Die energie en wil bestaan nie en sal nooit gebeur nie.Dit is makliker om te verengels en die bestaande universiteite oor te neem wat tans die geval is en die skole is ook reeds ver gevorder wat dit betref.Die westerse leefstyl word nagevolg en omarm maar kan nie instant gehou word nie agv gebrek aan energie en wilskrag.
‘n Patroon verskuiwing wat kulture betref gaan nie maklik gebeur nie,indien ooit.
Ek lees graag almal se menings oor nasie bou en kulturele respek vir ander bevolkingsgroepe. Elke persoon het sy eie mening, oplossing en plan. Almal filisofeer, skryf voor en adviseer. Ek is bevrees ek het nog nie ‘n werkbare plan of idee gesien nie. Die grootste probleem in hierdie land is nommer een. Hier is te veel blankes met te veel geld/ondernemings/besighede. Nie net kompeteer die wittes teen mekaar nie hulle buit sommer mekaar ook uit. Ons wittes hoort nie hier nie. Afgesien wat die geskiedenis ons leer dat die wittes die beskawing hier kom plant het. Wat en wie se beskawing . Na genoeg driehonderd plus jare het verloop en op die oog af boer ons nou agteruit. So al die kultuur en vingervleg het mooi net niks gehelp nie. Alles wat opgebou is is stelselmatig afgebreek en in die grond in vetrap. Ons sal in dag des lewens beskuldig word.
Eish, waarheen gaan jy dan nou gaan. Europa en die res van die weste soek nie jou soort nie.
Wat ???
Die nie blankes in Europa, Amerika en reg oor die res van die wereld hoort nie daar nie ??? Of geld jou redenasie net op een etniese kleur goep in een land???
5% van die landsburgers is wit.
Jy: “Hier is te veel blankes…;”
Waarvan praat jy, Chris?!
Stem saam Chris.
Ons mense filosofeer die hele tyd. Ons mors ons tyd. Verskans net jouself. Africa is ruled by the gun.
Hier is te veel witmense.
Dis duidelik die mense verstaan nie wat jy bedoel nie.
Kulture kan nie vermeng word nie – dis soos olie en water – kan saam in die poel le, maar sal nooit saamsmelt om n nuwe stof voort te bring nie, …………dit is wat SA pootjie
Hehe ja need die reenboog nasie ne..
Wat n klug..
Ons moet hande vat en as een nasie saamstaan. Hoe gemaak as ons hande permanent afgekap word?
Wit Afrikaners wat trots is op hul taal en kultuur, het reeds Afrikaanse universiteit, Akademia, begin. Verder, het dieselfde kultuurgroep begin met tegniese kolleges, een in Pretoria, Soltech. Een in Orania, Bo-Karoo opleiding.
US is terug by Engelse oorsprong van Victoria College… US was gewild onder wit Afrikaanse studente, maar Afrikaanse taal het eers in 1930’s werklik onderrigtaal geword daar, na amptelike erkenning van Afrikaans in 1925.
Daar is nog universiteite in Venda, Transkei en Zoeloeland, maar onderrigtaal is Engels… Is dit werklik kultuurbankrotskap in SA onder gedeelte van wit bevolkings?