Fedusa wil Donald Trump pak oor staalbedryf

President Donald Trump (13 April 2018) (Foto: AP Photo/Susan Walsh)

Dit kan dalk as ’n Dawid-teen-Goliat-stryd beskou word, maar Suid-Afrika se tweede grootste vakbondfederasie, Fedusa, rol sy moue op om Amerika se president, Donald Trump, te pak oor sy tariefbeleid jeens Suid-Afrika se staal en aluminiumbedrywe.

Fedusa wil hê dat Trump die tariefheffing moet opskort omdat Suid-Afrika geensins die Amerikaanse bedryf bedreig nie.

Volgens die mees onlangse beraminge het Amerika Suid-Afrika se versoek vir uitsluiting van die nuwe staal- en aluminiumtariewe van die hand gewys.  Ontleders wys daarop dat Amerika waarskynlik die Wêreld Handelsorganisasie (WHO)-maatreël oortree.

Die departement van handel en nywerheid het ook sy kommer oor die Amerikaanse standpunt uitgespreek.

Volgens staalnywerheidskenners kan Trump se jongste skuif tot ten minste 7 500 werksverliese lei.

Ekonome sê dit is juis iets wat Suid-Afrika nie kan bekostig nie weens sy hoë werkloosheidsyfer en lae ekonomiese groeikoers. Boonop het Evander-goudmyn ook sy sluiting aangekondig wat tot ʼn verdere 2 500 werksverliese sal lei.

Intussen het Fedusa kaalvuis ingeklim en Trump van onetiese gedrag beskuldig.

Sy hoofsekretaris, Dennis George, sê dat die federasie appèl teen Trump se besluit wil aanteken. Hy sê Trump se besluit om Suid-Afrika nie kwyt te skeld van hoër tariewe nie sal net werksverliese in die land versnel.

Hy het veral kommer uitgespreek oor werksverliese in die vervaardigings- en mynbousektor. Hy sê die twee sektore het reeds duisende werksverliese weens die ongunstige wêreldekonomie gely.

Fedusa sê dat Suid-Afrika se staal- en aluminiumuitvoere na Amerika klein is en dat dit nie een vir die hoër tariewe oorweeg moes word nie. Hy sê Suid-Afrikaanse uitvoere van die twee produkte hou geensins ’n bedreiging vir Amerika in nie.

Volgens die Amerikaanse departement van handel en  nywerheid het Amerika 33,4 miljoen ton ingevoer waarvan 330 000 ton uit Suid-Afrika kom. Dit was minder as 1% van Amerikaanse staal-invoere.

George sê weens die gegewens is dit duidelik dat Suid-Afrika geensins ’n bedreiging vir Amerika inhou nie – die enigste bedreiging is dat 7 500 poste in Suid-Afrika in die slag kan bly.

Dennis het aangekondig dat Fedusa saam met die Internasionale Vakbondkonfederasie gaan werk om druk op die Trump-administrasie toe te pas om sy tariefbeleid te heroorweeg.

Boonop bevraagteken Fedusa Trump se besluit veral omdat dit gekom het nadat hy ’n potjie gholf met die Australiese mynmagnaat Joe Hockey gespeel het.

“In watter mate het die potjie gholf Suid-Afrika gekos?” vra George.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Ampie

Dit gaa nie regtig oor die klein staaluitvoere van SA na die VSA nie. Die VSA het eerder SA nie uitgesluit nie omdat SA een van die lande is wat die Amerikaners die minste steun in die VN. Trump en sy raadgewers het dit raakgesien en skuld SA dus niks nie. Fedusa kaan maar vergeeet, onder President Trump gaan die besluit nie teruggetrek word nie.

Heel mond

SA moet leer on uit die Amerikaners se uitvoer van oorlog te bly dan sou dit nie gebeur het en oor dit gaan hulle 3 biljoen dollar ook verloor as hulpfonds.

Whaaaaaaa

Ag ASB tog, julle is nie nou met bang afrikaner boere, hulle vrouens en kinders te doen nie . TRUMP sal julle van die aarde afvee, hou op om te dink omdat julle MASSAS is en alles VERNIET WIL HE gaan TRUMP hom aan julle steur . JULLE BOELIE LEKKER die minderheid wittes in SA maar julle gaan julle moses met hom teekom hoor PROBEER GERUS .. ek wag !!

Eie skuld

Werksverliese is suiwer toe te skryf aan ons swak skoolsisteem, swak dienste, eskom sonder krag, entitled werkers. Trump beskerm net sy eie land se mense soos enige president wat vir sy eie mense omgee doen. Ek wens ons president het omgegee vir sy eie mense. Afrika sal alewig bedel by die weste, bakhand staan viur gunsies.

ROFL

Hoe gaan julle dié wen, want om aftebrand en “WMC” en rassis te skreeu gaan nie teen USA werk nie. Julle gaan julle agteralies sien, en dis niks minder as reg nie. Gee hul gas Pres. Trump, vee hulle af!