Met die oog op die Oktober se mediumtermyn-begroting is verskeie ontleders weer besig om na die regering se besteding op arbeid te verwys.
Wanneer die indekse van arbeidskoste vir die private en openbare sektore beskou word, sien ons dat arbeidskoste in die regering en staatsbeheerde instellings skerper as in die privaat sektor gestyg het. Stygende arbeidskoste in die openbare sektor is nie goeie nuus vir die nasionale begroting nie en gaan beslis ’n rol speel in die Oktober-begroting.