Rian van Heerden wil Pelgrimsrus ‘red’

Pelgrimsrus (Foto: Wikipedia)

Pelgrimsrus (Foto: Wikipedia)

JacarandaFM, onder leiding van die Complimentary Breakfast-program met Rian van Heerden, het aangekondig dat hy, tesame met inwoners, luisteraars én toeriste, alles in sy vermoë gaan doen om Pelgrimsrus in Mpumalanga tot sy eertydse glorie te “herstel”.

Van Heerden het onder meer ʼn beroep op luisteraars gedoen om te help om dié historiese erfenisgebied en toeristeaantreklikheid weer op die been te bring ná die dorp se ekonomie ʼn geruime tyd gelede heeltemal platgeval het.

Pelgrimsrus is een van die sogenaamde Transvaalse goudvelde. Dié dorp het ʼn stormloop van goudgrawers in 1873 gelok weens die groot beskikbaarheid van goud. Dit is ook hier waar grawers sogenaamde alluviale “panning” begin toepas het, wat verseker het dat grawers dieper kan grou. Die dorp het in 1970 ʼn toeristeaantreklikheid geword.

Pelgrimsrus (Foto: JacarandaFM_

Pelgrimsrus (Foto: JacarandaFM_

“Die voorspoed wat jare gelede in die vooruitsig gestel was vir dié dorp, het nooit werklikheid geword nie. Die dorp het intussen ook talle uitdagings en ontwikkelingsdruk in die gesig gestaar, wat die hele ekonomie gepootjie het. Derhalwe was daar ʼn groot afname in toeriste wat Pelgrimsrus besoek, en dit het eindelik daartoe gelei dat die plek verval en daar geen hoop op herstel meer vir die dorp of sy mense is nie,” het Van Heerden in ʼn verklaring gesê.

JacarandaFM het reeds kundiges in gebiede soos kleinhandel-ontwikkeling, toerisme, geologie en die reg ingespan om ʼn verslag in fyn besonderhede voor te lê wat moontlikhede sal verskaf om die dorp te “rehabiliteer”. Die verslag sal onder meer ook groeistrategieë inspan om die dorp te help groei en sodoende sy ontwikkelingsdoelwitte te bereik.

“Deur gesogte toeriste-aantreklikhede in die dorp op te knap, voorsiening te maak vir eenvoudige noodsaaklikhede soos inkopiesentrums en ontspanningsgeriewe vir die gemeenskap, wil ons die dorp herbou sodat besighede weer kan floreer en toeriste se geloof in die dorp herstel word,” het Van Heerden bygevoeg.

Dié projek is ook deel van Van Heerden se eenjaar-wenslys voor hy einde vanjaar die stasie as aanbieder van die Complimentary Breakfast-program verlaat.

Vir meer inligting oor hoe om betrokke te raak en die storie te volg, besoek JacarandaFM se webwerf of Facebook-blad.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
E.K.

Dis lankal tyd; mooi so Rian – IEMAND moet die eerste stap neem! Dit was SO oulike plek en gewemel van toerisme jare gelede en ‘n goeie inkomste genereerder maar ja.. dit hte erg vervalle geraak. Ek hoop elkeen wat ‘n plekkie in sy/haar hart vir Pelgrimsrus het sal ietsie doen al is dit hoe klein, om te help!

Lalla

En die rede waarom Pelgrimsrus tot niet gegaan het?? Omdat die grootkoppe besluit het regstellende aksie moet ook tot besighede wat daar besit was uitgebrei het. Daarom het die meerderheid besigheidseienaars hulle besighede tot niet gemaak omdat hulle nie lus was vir die gemors wat daarmee saamgaan nie. DIT is waarom die dorp in hierdie penarie sit. Indien politiek nie uit sekere goed gehou word nie, gaan die land nie vooruitgaan nie. Dit is nou maar net so.

Maryka

Was Des 2015 daar, was totaal versot op die plek, die Royal-H bedien die lekkerste ontbyt en die grafte en uitsig ook pragtig, klein winkels ook, wou graag die spook toer doen…

Grap

Dit sal die beste ding wees wat hy dan in sy lewe gedoen het.sien is glo

Renier Lubbe

Politiek was die finale ondergang van die dorpie.

As hulle nou nog ‘n inkopiesentrum ens daar bou sal die dorpie nooit sy nostalgie terugkry nie.