Argieffoto (Foto: Denise Husted/Pixabay)
As Pa moeg word vir die lewe in die stad, is ʼn wegbreek na die Bosveld net wat hy nodig het!
Jy staan die kans om ʼn jagnaweek vir twee te wen na Berchtesgaden Game Ranch & Lifestyle Farm in die Vaalwater-omgewing, ongeveer 230 km buite Pretoria. Verblyf, ʼn ontbyt en ʼn aandete en die jag van een rooibok is by die prys ingesluit.
Die jagnaweek strek van ‘n Vrydag tot die Sondag.
Voltooi bloot die vorm hieronder teen 16 Junie 2021 om in aanmerking te kom vir die prys. Die vorm kan deur die kinders self of deur Ma namens die kinders voltooi word.
By Berchtesgaden is alle geriewe geskep met die een gedagte as prioriteit – almal wat kom kuier moet dit ervaar asof dit ʼn droom is wat waar geword het.
Die wenner sal voor Vadersdag gekontak word sodat jy jou pa op Vadersdag kan bederf met die nuus dat jy vir hom ʼn jagnaweek gewen het.
Berchtesgaden spog ook met ʼn vierstergradering van JagLekker en ʼn BestValue-toekenning van Afristay.
Skryf nou in
Die kompetisie het gesluit.
Bepalings en voorwaardes
- Die sluitingsdatum vir die kompetisie is 16 Junie 2021 @ 23:45.
- Maroela Media en Berchtesgaden Game Ranch & Lifestyle Farm is nie verantwoordelik vir enige skade of verlies wat jy of jou metgesel mag ly voortspruitend uit die kompetisie nie.
- Die beslissing deur die beoordelaars is finaal en geen verdere korrespondensie sal daaroor gevoer word nie.
- Die prys kan nie vir kontant omgeruil word nie.
- Slegs een rooibok word by die pakket ingesluit en word per gids aangewys.
- Die prys sluit slegs die verblyf, die jag van een rooibok, een ontbyt en een aandete in. Enige ander uitgawes (etes, drankies, ekstra verblyf vir meer persone of enige ander ekskursies en aktiwiteite) is vir jou eie sak.
- Indien die wenner graag familie en vriende wil saamnooi, kwalifiseer hulle vir 25%-afslag op akkommodasie.
- Selfsorgfasiliteite is beskikbaar vir enige ander etes.
- Jou vervoer na en van Berchtesgaden Game Ranch & Lifestyle Farm is nie by die prys ingesluit nie. Jy en jou metgesel is dus self verantwoordelik om by die plaas uit te kom. Berchtesgaden Game Ranch & Lifestyle is geleë in die Vaalwater-omgewing in Limpopo, ongeveer 230 km vanaf Pretoria.
- Die prys moet voor 1 November 2021 gebruik word.
- Die prys is oordraagbaar na ʼn familielid of vriend – mits die persone ook voldoen en instem tot die bepalings en voorwaardes vir hierdie kompetisie. Die persone moet skriftelik aan Maroela Media bevestig dat hulle in só geval die bepalings en voorwaardes gelees het en dit aanvaar.
- Die jagpakket en verblyf is slegs vir twee persone.
- Die wenner sal so vinnig as moontlik ná die sluitingsdatum van 16 Junie 2021 aangewys word en Berchtesgaden Game Ranch & Lifestyle Farm sal verdere reëlings met die wenner tref.
- Indien die persoon nie die prys voor 1 November 2021 kan gebruik nie, verbeur die persoon die prys en sal ʼn nuwe persoon as wenner aangewys word.
- As jy instem mag Berchtesgaden Game Ranch & Lifestyle Farm en Maroela Media jou persoonlike besonderhede stoor en jou kontak vir promosies en vrywillige ondersteuning.
- Personeellede van Maroela Media en Berchtesgaden Game Ranch & Lifestyle Farm kom nie in aanmerking vir die prys nie.
