Kinders van die wind: ’n Windpomp-wegbreeklysie

Brinksfontein Guest House (Foto: LekkeSlaap)

Die windpomp gaan soek miskien nie die wind nie, maar LekkeSlaap het vir seker die windpomp gevind! Maak jou gereed vir ’n fotovoetpad kruis en dwars oor die Karoovlaktes, want in dié blog spog ons met die sewe mooiste windpompe, elkeen uit die boeke, dwarsdeur Suid-Afrika tot in Namibië se uithoeke.

  1. Ouklip Game Lodge

Ouklip Game Lodge (Foto: LekkeSlaap)

Eerste wakker, eerste aan die gang, ’n windpomp op ’n plaas laat selfs ’n stadskind se hart na die platteland verlang – Hesté Nortier

Ouklip Game Lodge (Foto: LekkeSlaap)

Hierdie privaat eko-lodge lê net 50 kilometer buite Pretoria en vorm deel van die Dinokeng Wildreservaat. Elke luukse selfsorg-tent het sy eie kombuis, privaat boma en ’n en suite-badkamer. Hiér sal jy die Bosveld op sy beste ervaar!

Prys: Vanaf R1 300 vir 2 mense
Waar: Dinokeng, Gauteng
Gaste: 56

  1. White House Guest Farm

White House guest Farm (Foto: LekkeSlaap)

Koffie en beskuit, grondbootjiebotter en stroop, só is ’n windpomp vir die Karoo en enige plek met droogte-nood – Hesté Nortier

Hiér het jy die geleentheid om die ongerepte Karas-streek in Namibië van hoek tot kant te verken. Gaan op ’n vetplant-uitstappie of neem ’n toer na die rooskwartsmyn.

White House guest Farm (Foto: LekkeSlaap)

Prys: Vanaf R240 vir 2 mense
Waar: Karas, Namibië
Gaste: 57

  1. Bartholomeus Klip Farmhouse

Bartholomeus Klip Farmhouse (foto: LekkeSlaap)

Om en om draai hy en net daar sal hy vir ewig bly. Die water mag dalk opraak, maar ’n windpomp sal jy altyd op sy plaas kry – Hesté Nortier

Bartholomeus Klip Farmhouse (Foto: LekkeSlaap)

Dié plaashuis in die Riebeekvallei is lekker naby die Kaap en is dus perfek vir ’n welverdiende naweekwegbreek. Die ligging maak dit die perfekte plek vanwaar jy die Kaapse Wynlande en die Weskus kan verken!

Prys: Vanaf R3 200 vir 2 mense
Waar: Hermon, Wes-Kaap
Gaste: 16

  1. Desert Dew Guest House

Desert Dew Guest House (Foto: LekkeSlaap)

Diep in die bosveld, daar doer ver, staan ’n windpomp dag vir dag. Die gras is droog en die son brand neer, en die beeste staan en wag – Carike Keuzenkamp, Windpomp

Desert Dew Guest House (Foto: LekkeSlaap)

Vir diegene wat tussen Kaapstad en Johannesburg reis, is Drie Susters die perfekte halfpad-oornagbestemming. By Desert Dew is egte Karoo-disse in oorvloed beskikbaar en saam met ’n goeie nagrus is dit al wat jy nodig het voor jy weer die langpad aandurf.

Prys: Vanaf R690 vir 2 mense
Waar: Victoria-Wes, Noord-Kaap
Gaste: 28

  1. Die Skooltjie

Die Skooltjie (foto: LekkeSlaap)

Windpomp wat vêr oor Karoo-vlak staar
jy suig aan lewensbloed uit aardse aar.
Ten tye van droogte of storms wat woed
jou doel om plant, dier & mens te voed. – Jo Smith, Windpomp

Die Skooltjie (foto: LekkeSlaap)

Dié kothuis skuil op ’n plaas in die oudste en grootste dorp in die Groot-Karoo, Beaufort-Wes. Die Karoo Nasionale Park is sommer net om die draai en spog met ’n rits Steentydperk-besienswaardighede, rotskuns, dinosourusfossiele en argitektoniese invloede.

Prys: Vanaf R880 vir 4 mense
Waar: Beaufort-Wes, Karoo
Gaste: 4

  1. Brinksfontein Guest House

Brinksfontein Guest House (foto: LekkeSlaap)

Jare lank was sy geteem, ’n stem in die woestyn, maar toe skielik sluk hy wind oor die werfdans en krulle van ’n kindLeon Strydom, Windpomp

Brinksfontein Guest House (Foto: LekkeSlaap)

’n Huisie aan die hange van die Moordenaarskaroo se kliprandjies en op die drumpel van Suid-Afrika se sterrekyk-mekka, Sutherland! Hiér kan jy heeltemal afskakel aangesien die huisie geen elektrisiteit of selfoonsein het nie.

Prys: Vanaf R1 360 vir 8 mense
Waar: Laingsburg, Wes-Kaap
Gaste: 8

  1. Akkedisbult Cottage

Akkedisbult Cottage (Foto: LekkeSlaap)

Die windpomp staan met sy rug teen die muur, die wind het ophou waai en water kos duur – Sandstewel, Karavaankrans

Akkedisbult Cottage (Foto: LekkeSlaap)

’n Troeteldiervriendelike plekkie in die hartjie van die Noord-Kaap. Bring vir Ore en die kinders saam en kuier saans om die braaivleisvuur, terwyl julle na die stilte van die Karoo luister.

Prys: Vanaf R1 000 vir 4 mense
Waar: Bo Karoo, Noord-Kaap
Gaste: 4

Plaasjapie of stadskind, op die ou einde is ons almal maar net kinders van die wind(pomp)!

Hierdie artikel is verskaf deur Lekkeslaap.co.za en is opgestel deur Hesté Nortier.

Hierdie plasing is deur ʼn onafhanklike persoon of onderneming saamgestel. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. –Red

Deel van: Reis

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae